ریاست اتراکھنڈ کی بیٹیاں نہ صرف ملک بلکہ بیرون ملک میں بھی بھارت کا پرچم لہرا رہی ہیں، پولینڈ میں منعقدہ یوتھ ورلڈ ویمن باکسنگ چیمپین شپ میں بھارتی خواتین باکسرز نے اپنی عمدہ کارکردگی سے 7 طلائی تمغے اپنے نام کیے۔
پتھورا گڑھ ضلع کے رہائشی اور بھارتی یوتھ باکسنگ ٹیم کے ہیڈ کوچ بھاسکر چندر بھٹ کی سربراہی میں 10 ہندوستانی باکسروں کی ایک ٹیم ورلڈ باکسنگ چیمپین شپ میں شرکت کے لیے پولننڈ پہنچی تھیں، جہاں 7 خواتین باکسروں نے سونے کے تمغے جیتے ہیں، جبکہ دیگر تین خواتین باکسرز نے کانسے کا تمغہ جیتے ہیں۔
ورلڈ باکسنگ ایسوسی ایشن کے صدر نے بھی اس عالمی سطح کے باکسنگ چیمپین شپ میں ہندوستانی خواتین باکسرز کی بہترین کارکردگی کی تعریف کی ہے، یہ پہلا موقع ہے جب ہندوستانی خواتین باکسرز نے عالمی سطح کے باکسنگ مقابلے میں اتنے زیادہ سونے کے تمغے جیتے ہیں۔
واضح رہے کہ ہندوستانی یوتھ باکسنگ ٹیم کے ہیڈ کوچ بھاسکر چندر بھٹ کی قیادت میں اب تک دیگر خواتین مقابلوں میں ہندوستانی خواتین باکسرز میڈلز جیت چکی ہیں۔
