نئی دہلی: بھارتی خواتین کی فٹ بال ٹیم 6 ستمبر سے شروع ہونے والی سیف خواتین چمپئن شپ کے لئے ہفتہ کو کھٹمنڈو کے لیے روانہ ہوگئی۔ ساؤتھ ایشین فٹ بال فیڈریشن (سیف) ویمنز چیمپئن شپ کی گزشتہ سال کی فاتح بھارتی ٹیم کو پاکستان، مالدیپ اور بنگلہ دیش کے ساتھ گروپ اے میں رکھا گیا ہے۔ Indian Football team departs for Kathmandu
بلیو ٹیگرس (ہندوستانی خواتین) کے ہیڈ کوچ سورین چھتری نے کہاکہ "کھلاڑی چیلنجوں سے واقف ہیں اور ہمیں امید ہے کہ ہم مضبوط کارکردگی کا مظاہرہ کریں گے۔ سینئر اور نوجوانوں کا اختلاط یقینی طور پر ہدف حاصل کرنے میں ہماری مدد کرے گا۔ بھارت کا پہلا مقابلہ 7 ستمبر کو پاکستان سے ہوگا، اس کے بعد 10 ستمبر کو مالدیپ اور 13 ستمبر کو بنگلہ دیش سے مقابلہ ہوگا۔ تمام میچ نیپال کے شہر کھٹمنڈو کے دشرتھ اسٹیڈیم میں کھیلے جائیں گے۔
یہ بھی پڑھیں: AIFF suspension:خواتین فٹبال ورلڈ کپ کے انعقاد کے لیے مرکز کوشش کرے، سپریم کورٹ
بھارت نے ٹورنامنٹ کے لیے 23 کھلاڑیوں کا انتخاب کیا ہے۔ جس میں ادیتی چوہان، میبم لنتھونگمبی دیوی اور سومیا نارائناسامی کو گول کیپر کے طور پر ٹیم میں شامل کیا گیا ہے۔ سویٹی دیوی، ریتو رانی، اشلتا دیوی، رنجنا چانو، منیسا پنا، مشیل کاسٹانہا، جولی کشن اور سنتوش ڈیفنڈر کا کردار ادا کریں گے۔ انجو تمانگ، پرینکا دیوی، مارٹینا تھوکچوم، سندھیا رنگناتھن، کشمینا اور رتن بالا دیوی بطور مڈ فیلڈر، جبکہ دلر مرانڈی، اپرنا نرزاری، سومیا گگولوتھ، رینو، کرن پسڈا اور ڈانگمی گریس فارورڈ کی قیادت کریں گے۔ ٹیم کے ہیڈ کوچ سورین چھتری ہوں گے۔
یو این آئی
