رائے پور: ہندوستانی ٹیم کپتان سوریہ کمار یادو کی قیادت میں جمعہ کو شہید ویر نارائن سنگھ انٹرنیشنل اسٹیڈیم میں ہونے والے چوتھے میچ میں آسٹریلیا کو شکست دے کر سیریز جیتنے کے ارادے کے ساتھ اترے گی۔ پانچ میچوں کی ٹی ٹوئنٹی سیریز میں ہندوستان دو میچ جیتنے اور ایک میں شکست کے بعد سیریز میں 2-1 سے آگے ہے۔
کل کے میچ میں ہندوستانی ٹیم گلین میکسویل کی عدم موجودگی کا فائدہ اٹھانے کی کوشش کرے گی جنہوں نے اپنے دم پر ہی اوڈیشہ میں کھیلے گئے آخری میچ میں 48 گیندوں میں 104 رنز کی اننگز کھیل کر آسٹریلیا کو فتح سے ہمکنار کیا تھا۔ تجربہ کار کپتان میتھیو ویڈ نے بھی گزشتہ میچ میں انتہائی کارآمد اننگز کھیلی تھی۔ اسٹیو اسمتھ اور ایڈم زمپا بھی آئی سی سی مینز ون ڈے ورلڈ کپ کی مصروف مہم کے بعد وطن واپس پہنچ گئے ہیں۔
تاہم، میچ جیتنے کے لیے، ہندوستان کے گیند بازوں کو ٹم ڈیوڈ، جوش فلپ اور بین میک ڈرموٹ جیسے جارح بلے بازوں کی نئی جوڑی کو سمیٹتے ہوئے اووروں کے فارمیٹ میں اچھی کارکردگی کا مظاہرہ کرنا ہوگا۔ شریاس ائیر کی واپسی سے ہندوستان کی بیٹنگ کو کچھ تقویت ملے گی۔ اب تک کھیلے گئے تین میچوں میں ٹاپ آرڈر نے اپنی پوری طاقت جھونک دی ہے۔ واحد استثنا تلک ورما تھے جنہوں نے توقعات کے مطابق کارکردگی کا مظاہرہ نہیں کیا۔
ہندوستانی ٹیم کی جیت کا انحصار کل کے میچ میں یشسوی جیسوال، رتوراج گائیکواڑ، ایشان کشن، کپتان سوریہ اور رنکو سنگھ کی کارکردگی پر ہوگا۔ دیپک چاہر کی شمولیت سے بالنگ کے شعبے میں ٹیم کو تقویت ملے گی کیونکہ وہ نئی گیند کے ساتھ ایک کارآمد گیند باز ہیں اور مکیش کمار کی شادی کی تقریب میں شرکت کے بعد ان کی واپسی ڈیتھ بالنگ کے امکانات کو بڑھا دے گی۔ پرسدھ کرشنا اور اویس خان کو جیت کو یقینی بنانے کے لیے مسلسل کارکردگی کا مظاہرہ کرنا ہوگا۔
یو این آئی۔
