نئی دہلی: بھارت اور جنوبی افریقہ کے درمیان 2 ٹیسٹ میچوں کی سیریز کا پہلا میچ سنچورین میں کھیلا جا رہا ہے۔ ٹیسٹ میچ کے دوسرے دن (27 دسمبر) ہندوستانی ٹیم نے پہلی اننگز میں 245 رنز بنائے۔ جواب میں کھیل کے اختتام تک افریقی ٹیم 5 وکٹوں پر 256 رنز بنا چکی تھی۔
اسی دن کے آغاز کے پہلے سیشن میں ہندوستانی ٹیم 245 رنز پر آل آؤٹ ہوگئی۔ کے ایل راہول نے شاندار انداز میں سنچری اسکور کی۔ لیکن دوسرے دن کا کھیل ختم ہونے تک جنوبی افریقہ نے پہلی اننگز میں 5 وکٹوں پر 256 رنز بنا لیے تھے۔
اس طرح انہوں نے ہندوستانی ٹیم کے خلاف پہلی اننگز میں 11 رنز کی برتری حاصل کر لی ہے۔ ڈین ایلگر نے شاندار انداز میں اپنے کیریئر کی 14ویں سنچری اسکور کی۔ ایلگر 140 اور مارکو جانسن 3 رنز بنا کر ناٹ آؤٹ ہیں۔ ایلگر نے ڈیبیو میچ کھیل رہے ڈیوڈ بیڈنگھم کے ساتھ چوتھی وکٹ کے لیے 131 رنز کی شراکت داری کی۔
بیڈنگھم نے اپنی پہلی اننگز میں ففٹی اسکور کی اور 56 رنز بنانے کے بعد آؤٹ ہوئے۔ ہندوستانی ٹیم کی جانب سے جسپریت بمراہ اور محمد سراج نے 2-2 وکٹیں حاصل کیں۔ پرسدھ کرشنا کو ایک کامیابی ملی۔
میچ کے دوسرے دن بھارتی ٹیم نے 8 وکٹوں پر 208 رنز سے کھیلنا شروع کیا۔ اس کے بعد محمد سراج (5) جیرالڈ کوٹزی کا پہلا شکار بنے۔ اسی اوور (66 ویں اوور) میں جیسے ہی سراج کے آؤٹ ہوئے، کے ایل راہل نے اوور کی آخری گیند پر اپنی سنچری مکمل کی۔
یہ بھی پڑھیں: آسٹریلیا کی پہلی اننگ 318 رنوں پر سمٹی، پاکستان کے چھ وکٹوں پر194 رن
راہول نے 133 گیندوں کا اسٹائلش انداز میں سامنا کیا اور 14 چوکوں اور 4 چھکوں کی مدد سے اپنی سنچری مکمل کی۔ تاہم 4 گیندوں کا سامنا کرنے کے بعد وہ ناندرے برجر کے ہاتھوں کلین بولڈ ہوگئے۔ جنوبی افریقہ کی جانب سے سب سے کامیاب بولر کاگیسو ربادا رہے، انہوں نے 5 وکٹیں حاصل کیں۔ اپنا ڈیبیو میچ کھیل رہے ناندرے برجر نے 3 وکٹیں حاصل کیں۔
