پانچ طلائی تمغے جیتنے والی بھارتی رنر ہیما داس کو گزشتہ روز وزیراعظم نریندر مودی، صدر رام ناتھ کووند اور کرکٹر سچن تیندولکر سمیت متعدد شخصیات نے ٹویٹ کے ذریعے انہیں مبارکباد پیش کی۔
مودی نے ٹویٹ کر کے ہیما داس کو مبارکباد دی، انہوں نے لکھا کہ، اس شاندار کارکردگی پر پورے ملک کو آپ پر فخر ہے، میری نیک خواہشات آپ کے ساتھ ہیں'۔
وزیراعظم کے اس پیغام کا ری ٹویٹ کرتے ہوئے ہیما داس نے لکھا کہ ' شکریہ مودی جی! میں تمغے جیتنے کے اس سلسلے کو برقرار رکھنے کے لیے مزید محنت کروں گی اور ملک کے لیے مزید تمغے جیتوں گی۔'
اس کے علاوہ ملک کے مایہ ناز کرکٹر سچن تیندولکر نے بھی ٹویٹ کر کے ہیما داس کو مبارکبا دی، انہوں نے لکھا کہ ' شکریہ ہیما آج کا دن پورے ملک کے لیے بہت ہی خاص ہے، میں دعاگو ہوں کہ آپ کی اس کامیابی کا سلسلہ یوں ہی جاری رہے۔'
واضح رہے کہ ہیما داس نے گزشتہ 18 دنوں میں مختلف ٹورنامنٹس میں 5 طلائی تمغے اپنے نام کئے ہیں۔
