نئی دہلی: عالمی شطرنج لیگ (جی سی ایل) جو بین الاقوامی شطرنج فیڈریشن (فیڈے) اور ٹیک مہندرا کے درمیان ایک مشترکہ منصوبہ ہے، نے بدھ کو اپنے آفیشل لوگو کی نقاب کشائی کی۔ لوگو شطرنج کے بورڈ سے ملتا جلتا ہے جس میں 64 کھانوں سے مشابہت رکھتا ہے۔ پہلی بار لوگو کوجی سی ایل کے افتتاح سے 64 دن پہلے حکمت عملی کے ساتھ لانچ کیا گیا ہے۔
جی سی ایل 21 جون سے 2 جولائی 2023 تک منعقد ہوگا اور یہ دنیا کا سب سے بڑا اور لیگ طرز کا پہلا شطرنج ٹورنامنٹ ہے۔ جی سی ایل کے پہلے ایڈیشن میں چھ ٹیمیں ہوں گی،جو ہر ایک چھ کھلاڑیوں پر مشتمل ہے۔ ہر ٹیم میں کم از کم دو خواتین کھلاڑی اور ایک آئیکون کھلاڑی ہو گا۔ پانچ بار کے عالمی چمپئن اور جی سی ایل کے مینٹور وشواناتھن آنند نے کہا، "جیسے جیسے ہم ٹورنامنٹ کے آغاز کے قریب آتے ہیں، ہم دیکھتے ہیں کہ ہمارے تمام منصوبے کامیاب ہوتے ہیں۔ جی سی ایل کا لوگو ٹورنامنٹ کے لیے ہمارے وژن کا عکاس ہے، ہمیں امید ہے کہ شائقین پسند کریں گے۔ جو تصور ہم نے یہاں بنایا ہے۔جی سی ایل کا بنیادی مقصد شطرنج کے کھیل کو عالمی سطح پر فروغ دینا اور اسے عوام کے لیے پرکشش بنانا ہے۔"
فیڈے کے چیف ایگزیکٹیو آفیسر سوتووسکی ایمل نے کہا: " جی سی ایل کا مقصد عالمی سطح پر شطرنج کے کھیلے جانےاور دیکھے جانے کے انداز کو تبدیل کرنا ہے۔ ہم افتتاحی سیزن سے صرف چند ہفتے دور ہیں، اور ہمیں اس کا آفیشل لوگو لانچ کرتے ہوئے خوشی ہو رہی ہے۔ لیگ فیڈے جون 2023 میں جی سی ایل کے دلچسپ آغاز کا منتظر ہے۔ ہر ٹیم ٹورنامنٹ میں تمام چھ بورڈز میں تیز رفتار فارمیٹ میں 10 میچ کھیلے گی۔ راؤنڈ رابن فارمیٹ کے بعد سرفہرست دو ٹیمیں 2 جولائی کو فائنل میں پہنچیں گی اور جیتنے والی ٹیم کو ورلڈ چیمپئن فرنچائز ٹیم کا تاج پہنایا جائے گا۔
گلوبل چیس لیگ بورڈ کے چیئرمین جگدیش مترا نے کہا، "ہم آفیشل برانڈ کا لوگو لانچ کرنے کے لیے پرجوش ہیں۔ اسے بہت غور و وض اور تعاون کے بعد بنایا گیا ہے۔ جی سی ایل برانڈ کا لوگو منفرد انداز میں شطرنج کے 64 چوکور حصوں سے تیار اور ڈیزائن کیا گیا ہے۔ ہمیں یقین ہے کہ جی سی ایل شطرنج میں ایک نئی شروعات کی نمائندگی کرتا ہے اور احتیاط سے ڈیزائن کیا گیا برانڈ لوگو اس سمت میں پہلا قدم ہے۔"
مزید پڑھیں:
یو این آئی
