پیرس: تجربہ کار فرانسیسی دفاعی کھلاڑی رافیل وران نے جمعرات کو بین الاقوامی فٹ بال سے ریٹائرمنٹ کا اعلان کر دیا۔ وارن نے ایک بیان جاری کرتے ہوئے کہاکہ ’’ایک دہائی تک اپنے خوبصورت ملک کی نمائندگی کرنا اعزاز کی بات ہے۔ جب بھی میں نے وہ نیلی جرسی پہنی تو مجھے فخر کا احساس ہوا۔ میں نے ہمیشہ اسے اپنا سب کچھ دینے، پورے دل سے کھیلنے اور اپنی ٹیم کے لیے ہر میچ جیتنے کی ضرورت محسوس کی۔ میں کئی مہینوں سے اس بارے میں سوچ رہا ہوں اور فیصلہ کیا ہے کہ بین الاقوامی فٹ بال سے ریٹائرمنٹ لینے کا یہی صحیح وقت ہے۔ وارن نے اپنے 10 سالہ سجے ہوئے کیریئر میں 93 بار فرانس کی نمائندگی کی۔ 2013 میں ڈیبیو کرنے والے وارن نے صرف 29 سال کی عمر میں ورلڈ کپ 2018 جیتا اور ورلڈ کپ 2023 میں رنر اپ رہے۔
انہوں نے 2020-21 کے سیزن میں ڈیڈیئر ڈیسچیمپس کی فرانسیسی ٹیم کی یوای ایف اے نیشنز لیگ ٹائٹل کی قیادت بھی کی ہے۔ مانچسٹر یونائیٹڈ کے ڈیفینڈر نے فرانس کو گزشتہ سال قطر میں لگاتار دوسرے ورلڈ کپ کے فائنل میں پہنچنے میں مدد کی تھی، جہاں ارجنٹائن کے ہاتھوں انہیں پنالٹیز پر شکست ہوئی تھی۔ وارن کا یہ بیان فرانس کے ورلڈ کپ جیتنے والے گول کیپر اور کپتان ہیوگو لوریس کے حال ہی میں بین الاقوامی کرکٹ سے ریٹائرمنٹ کے اعلان کے بعد سامنے آیا ہے۔ وارن نے اپنے بیان میں کہا ہے کہ اب وقت آگیا ہے کہ "نوجوان کھلاڑیوں کے باصلاحیت گروپ" کو ذمہ داری سونپ دی جائے۔
یہ بھی پڑھیں: Football Benzema Retires بینزیما نے ریٹائرمنٹ کا اعلان کیا
یو این آئی
