کیپ ٹاؤن: جنوبی افریقہ کے آل راؤنڈر فرحان بحرالدین نے منگل کو تمام طرز کی کرکٹ سے ریٹائرمنٹ کا اعلان کر دیا۔Farhan Bahruddin Retired
بحر الدین نے 39 سال کی عمر میں پروفیشنل کرکٹ سے ریٹائرمنٹ کا اعلان ٹوئٹر کے ذریعے کیا۔ بحرالدین نے 2004 میں فرسٹ کلاس ڈیبیو کیا، حالانکہ انہیں جنوبی افریقہ میں ڈیبیو کرنے کے لیے آٹھ سال انتظار کرنا پڑا۔ انہوں نے 59 ون ڈے اور 38 ٹی ٹوئنٹی میچوں میں پروٹیز کی نمائندگی کرتے ہوئے 1592 رنز بنائے اور 17 وکٹیں لیں۔Farhan Bahruddin Retired
انہوں نے 2012، 2014 اور 2016 میں آئی سی سی مردوں کے ٹی۔ٹوینٹی ورلڈ کپ اور 2015 میں کرکٹ ورلڈ کپ میں حصہ لیا۔ بحرالدین کو 2017 میں سری لنکا کے خلاف ٹی 20 میچوں کی ہوم سیریز میں اپنے ملک کی کپتانی کا موقع بھی ملا تھا۔ انہوں نے آخری بار نومبر 2018 میں کارارا میں آسٹریلیا کے خلاف ٹی ٹوئنٹی میں پروٹیز کی نمائندگی کی تھی۔
بحر الدین نے بتایا کہ"میں پچھلے کچھ ہفتوں سے بہت جذباتی ہوں،18 سال آئے اور چلے گئے۔ میرے خاندان اور دوستوں کا ان کی غیر متزلزل حمایت کے لیے شکریہ۔ میں اپنے کیریئر میں جن کوچز اور معاون عملے سے ملا ہوں ان کے لیے اپنے تمام ساتھیوں کا شکریہ۔ مداحوں کا شکریہ جنہوں نے مجھے سپورٹ کیا۔ میں نے اپنے خواب جیے تھے۔ سچ پوچھیں تو یہ آسان نہیں تھا۔ ‘‘
یواین آئی۔
