فٹ انڈیا فریڈم کے آرگنائزنگ سکریٹری ترون کمار شرما نے بتایا کہ ملک بھر سے موصولہ اعداد و شمار کے مطابق اب تک 60 ہزار افراد آن لائن رجسٹریشن کے ذریعے اس دوڑ میں شامل ہوچکے ہیں اور اس کی تعداد روز بروز بڑھتی جارہی ہے۔
انہوں نے کہا کہ 'خاص طور پر وزیر اعظم کے 'ڈیجیٹل انڈیا' اور 'ووکل فار لوکل کمپین' کو تکنیکی اعتبار سے کامیاب بنانے کے لیے shopview.in کا تعاون لیا جا رہا ہے۔
رن کے میڈیا انچارج ڈاکٹر شرد کمار شرما نے کہا کہ کشمیر سے لے کر کنیا کماری تک کے لوگ فریڈم رن میں شریک ہوکر اپنے ویڈیوز اور تصاویر کے ذریعے اپنی آگاہی اور ذمہ داری دونوں کو واضح طور پر بیان کررہے ہیں اور اپنے اپنے سوشل میڈیا پلیٹ فارمز پر بھی شیئر کر رہے ہیں۔ ایک اندازے کے مطابق آف لائن رجسٹریشن بھی بڑی تعداد میں متوقع ہے اور یہ تعداد 1 لاکھ شرکاء تک پہنچنے کی توقع ہے
