کینبرا: آسٹریلیا کے امیگریشن وزیر اینڈریو جائلز نے جمعرات کو جوکووچ پر سے ویزا پابندی ہٹانے کی تصدیق کی ہے۔ انہوں نے کہا کہ جوکووچ کو عارضی ویزا دیا گیا ہے۔ آسٹریلین اوپن 16 سے 29 جنوری تک منعقد ہو رہا ہے۔Banned Lift From Novak Djokovic From Australian Open
آسٹریلین اوپن ٹینس ٹورنامنٹ 16 سے 29 جنوری تک میلبورن میں منعقد ہو رہا ہے۔یہ فیصلہ سربیا کے ٹینس اسٹار کو دس ماہ قبل آسٹریلیا میں داخل ہونے پر حراست میں لینے کے بعد سامنے آیا ہے۔ اس وقت جوکووچ کو میلبورن میں اسی گرینڈ سلیم ٹورنامنٹ کے لیے آسٹریلیا میں داخل ہوتے وقت روک دیا گیا تھا۔ انہوں نے اس وقت کووڈ 19 کی ویکسین نہیں لی تھی۔
جوکووچ کو قانونی جنگ کے بعد آسٹریلیا سے ڈی پورٹ کر دیا گیا تھا اور مقامی ضوابط کے مطابق ان پر خود بخود تین سال کے لئے آسٹریلیا میں داخلے پر پابندی عائد کر دی گئی تھی۔ حکومت نے اس پابندی کو ختم کر دیا ہے۔
انہوں نے ایک بیان میں کہا کہ ملک میں غیر شہریوں کے داخلے پر پابندی لگانے والی سخت سرحدی پابندیاں ختم کر دی گئی ہیں۔وزیر جائلز نے کہاکہ جنوری 2022 میں مسٹر جوکووچ کے ویزا کی منسوخی کے بعد سے بائیو سیفٹی ایکٹ 2015 کے تحت کووڈ-19 سے متعلق سرحدی پابندیاں ہٹا دی گئی ہیں، جس میں آسٹریلیا میں داخل ہونے کے لئے کووڈ-19 کی ویکسینیشن کے سرٹیفیکیٹ کی شرط بھی شامل ہے۔
مزید پڑھیں:جوکووچ سیمی فائنل میں، تاریخ رقم کرنے کے قریب
جوکووچ گزشتہ سال میلبورن پارک میں مسلسل چوتھی بار اس ٹورنامنٹ کا مینز سنگلز ٹائٹل جیتنے کے ارادے سے یہاں آئے تھے۔ٹورن میں اے ٹی پی فائنلز کے دوران جوکووچ نے کہا کہ وہ دوبارہ آسٹریلیا جانے کا موقع ملنے پر "بہت خوش" ہیں۔
انہوں نے کہاکہ مجھے اس ٹورنامنٹ کے دوران اس سے اچھی خبر نہیں مل سکتی تھی۔ آسٹریلین اوپن میرا سب سے کامیاب گرینڈ سلیم رہا ہے۔ وہاں سے میری کچھ بہترین یادیں جڑی ہوئی ہیں۔Banned Lift From Novak Djokovic From Australian Open
