ہریانہ اسمبلی انتخابات میں بھارتیہ جنتا پارٹی کے ٹکٹ پر قسمت آزمائی کرنے والے پہلوان یوگیشور دت کو کانگریس امیدوار کرشن ہڈا نے شکست دی، وہیں ببیتا فوگاٹ کو آزاد امیدوار سوم ویر سے شکست کا سامنا کرنا پڑا،
ہریانہ کے بروڈا اسمبلی حلقہ سے انتخاب لڑرہے یوگیشور دت کانگریس کے امیدوار کرشن ہڈا کے درمیان زبردست ٹکر ہوئی، ابتدائی رجحانوں میں یوگیشور دت نے سبقت حاصل کی تھی لیکن اچانک پورا کھیل پلٹ گیا اور کرشن ہڈا نے اولمپک تمغہ فاتح پہلوان کو شکست سے دوچار کردیا، یوگیشور دت کو چار ہزار ووٹوں سے شکست کا سامنا کرنا پڑا۔
دوسری جانب ببیتا فوگاٹ کو بھی ہریانہ اسمبلی انتخابات میں شکست کا سامنا کرنا پڑا، ببیتا کو آزاد امیدوار سوم ویر سے شکست سے شکست ملی۔
دولت مشترکہ گیمس میں دو دو مرتبہ طلائی تمغہ جیتنے والی پہلوان ببیتا فوگاٹ دادری اسمبلی حلقہ سے انتخابات لڑرہی تھیں۔
دلچسپ بات یہ ہے کہ انتخابات لڑنے کے لیے ببیتا فوگاٹ نے ہریانہ پولس کی نوکری چھوڑ دی تھی جبکہ یوگیشور دت بھی ہریانہ پولس میں ڈی ایس پی کی نوکری چھوڑ کر انتخابات میں حصہ لیا لیکن انہیں شکست کا سامنا کرنا پڑا۔
اس کے علاوہ بی جے پی کے ٹکٹ پر ایک اور اسٹار کھلاڑی نے انتخابات میں حصہ لیا اور انہیں جیت نصیب ہوئی۔
بھارتی ہاکی ٹیم کے سابق کپتان سندیپ سنگھ نے پیہوا حلقہ سے جیت حاصل کی،سندیپ سنگھ نے پیہوا حلقہ سے کانگریس کے امیدوار مندیپ سنگھ کو شکست سے دوچار کیا۔
