ششی کمار نے میچ میں ایک ایس لگایا اور ایل ڈبل فالٹ کیا۔ انہوں نے اپنی پہلی سرو کے 43 میں سے 21 اور دوسری سرو پر 33 میں سے 19 جیتے۔ ATP Challenger Tour 2022
وہیں پیروس نے دو ایس لگائے اور پانچ ڈبل فالٹ کیے۔ پیروس نے اپنی دوسری سرو کے 30 میں سے 21 پوائنٹس جیتے اور پہلی سرو پر 30 سے 16 پوائنٹس حاصل کیے۔
ششی کمار نے 11 ویں گیم میں بریک پوائنٹ کا موقع ضائع کرنے کے بعد ٹائی بریکر میں دوسرا سیٹ جیتا۔ پہلے سیٹ میں ششی کمار کو چھٹے گیم میں اہم بریک پوائنٹ ملا اور انہوں نے 4-2 کی برتری حاصل کرلی۔7 ویں گیم میں سروس برقرار رکھتے ہوئے ششی کمار نے 5-2 کی برتری حاصل کی اور سیٹ 6-3 سے جیت لیا۔
اس کے ساتھ ہی دوسرے سیمی فائنل میں اٹلی کے لوکا ناردی نے سیکنڈ سیڈ جرمنی کے سیڈرک مارسیل اسٹیب کو شکست دے کر خطابی مقابلہ میں جگہ بنالی۔
اس دوران ارجن نے ڈبلز کا خطاب جیتا۔ تیسری سیڈ یافتہ بھارت کے ارجن کادھے اور اٹلی کے مارک بورٹولوٹی کی جوڑی نے ڈبلز فائنل میں بیلجیئم کے مائیکل گیرٹس اور امریکہ کے الیگزینڈر رِچرڈ کو 7-6 (5) 6-2 سے شکست دی۔ ارجن اور بورٹولوٹی نے 50 اے ٹی پی پوائنٹس حاصل کیے۔
