ٹوکیو اولمپکس کے منتظمین نے پاکستان اور بھارت سمیت پانچ ممالک کے ایتھلیٹس کے یومیہ کی بنیاد پر کورونا ٹسٹ کرانے کا فیصلہ کیا ہے۔
اطلاعات کے مطابق مذکورہ ممالک کے کھلاڑیوں کے ایک ہفتہ تک روزانہ کورونا ٹسٹ کرنے کا منصوبہ بنالیا گیا ہے۔ ٹسٹز کا سلسلہ یکم جولائی سے شروع ہوگا۔
جاپانی حکومت کی جانب سے جن غیر ملکی ایتھلیٹس کے کورونا ٹسٹ کئے جائیں گے، ان میں بھارت، پاکستان، نیپال، مالدیپ، سری لنکا اور افغانستان شامل ہیں۔
اولمپکس کے وزیر تامایو ماروکاوا نے گزشتہ روز کہا تھا کہ یوگانڈا سے آنے والی اولمپک ٹیم کے ایک رکن میں ڈیلٹا وائرس کی تشخیص ہوئی تھی، جس پر انہوں نے اس پر تشویش کا اظہار کیا تھا۔
دوسری جانب اولمپکس منتظمین کی جانب سے تمام غیر ملکی کھلاڑیوں کو مقابلوں میں شرکت سے قبل چار روز تک روزانہ کورونا ٹیسٹس کروانے کا کہا جارہا ہے۔
یہ بھی پڑھیں: ٹی 20 ورلڈ کپ یو اے ای میں ہوگا: بی سی سی آئی
واضح رہے کہ ٹوکیو اولمپکس کا آغاز 23 جولائی سے ہورہا ہے جو کورونا کی وبا کے باعث ایک سال کی تاخیر سے شروع ہو رہا ہے۔
یو این آئی
