اننت ناگ: مارشل آرٹس کو فروغ دینے کی غرض سے اننت ناگ میں ایک تقریب کا اہتمام

تقریب میں ایس ایس پی اننت ناگ امتیاز حسین اور میونسپل کونسل اننت ناگ کے صدر بلال احمد شاہ کے علاوہ دیگر متعلقین نے شرکت کی۔

جموں و کشمیر کے ضلع اننت ناگ میں مارشل آرٹس کو فروغ دینے کی غرض سے ایف ایس ایل ڈی کی جانب سے ایک تقریب کا اہتمام کیا گیا۔ تقریب میں ایس ایس پی اننت ناگ امتیاز حسین اور میونسپل کونسل اننت ناگ کے صدر بلال احمد شاہ کے علاوہ دیگر افراد نے شرکت کی۔

اس موقعہ پر جموں میں پہلی بار کشمیر سے ایم ایف این-6 میں بحثیت آفیشیل منتخب ہونے والے مارشل آرٹس کھلاڑی عاقب مجید کی حوصلہ افزائی کی گئی۔ دوبئی میں 24 ستمبر سے شروع ہونے والی ایم ایف این چمپیئن شپ میں بطور آفیشیل عاقب مجید شرکت کریں گے۔

اس موقع پر میڈیا سے بات کرتے ہوئے عاقب مجید نے اس کارکردگی پر خوشی کا اظہار کیا، ساتھ انہوں نے جموں وکشمیر ایل جی سے مارشل آرٹس کو فروغ دینے کے لیے اقدامات اٹھانے کی اپیل کی۔