اے ایف آئی نے بدھ کے روز ارجن ایوارڈ کے لئے ٹرپل جمپ ایتھلیٹ ارپندر سنگھ ، درمیانی دوری کے رنر منجیت سنگھ، فرٹا رنر دوتی چند اور درمیانی دوری کی پر رنر پی یو چترا کے تین نام بھیجے جانے کا اعلان کیا ہے۔
ڈپٹی چیف کوچ رادھا کرشنن نیر کا نام دروناچاریہ ایوارڈ اور کلدیپ سنگھ بھلر اور جنکی فلپ کا بان دھیان چند ایوارڈ کے لئے وزارت کھیل کو بھیجا گیا ہے۔ سابق ایتھلیٹ انجو بابی جارج کی قیادت میں اے ایف آئی پینل نے قومی کھیل ایوارڈ کے لئے ان کھلاڑیوں کا انتخاب کیا۔
نیرج کا نام مسلسل تیسرے سال کھیل رتن کے بھیجا کیا گیا ہے۔ نیرج سن 2016 میں ورلڈ جونیئر خطاب جیتنے کے بعد جیویلین تھرو میں ملک کے ٹاپ ایتھلیٹ رہے ہیں اور انہوں نے بین الاقوامی سطح پر بھی اپنی شناخت بنائی ہے۔
اے ایف آئی کے صدر عادل سوماری والا نے کہا’’ہمیں یقین ہے کہ اس بار نیرج کو کھیل رتن ضرور ملے گا۔ 2018 میں ویٹ لفٹر میرابائی چانو کو کھیل رتن سے نوازا گیا تھا جبکہ 2019 میں پہلوان بجرنگ کا انتخاب کیا گیا تھا۔ اگلے سال ٹوکیو اولمپکس کو دیکھتے ہوئے ، ہمیں امید ہے کہ اسے یہ اعلی اعزاز انہیں ملے گا جو اولمپکس میں ملک کے لئے تمغہ جیتنے کی ترغیب دے گا۔
نیرج 2018 میں دولت مشترکہ اور ایشین گیمز میں طلائی تمغہ فاتح ہیں اور ملک کی اولمپک امیدوں میں ان کا نام شمار ہے۔
ارجن ایواڈر کے لئے منتخب ارپندر نے 2018 ایشیائی گیمز میں طلائی تمغہ جیتا تھا جبکہ منجیت بے بھی سونے کا تمغہ اپنے نام کیا تھا۔ دوتی کے دو ایشیائی گیمز چاندی کے تمغے ہیں۔ چترا نے 2017 اور 2019 میں ایشیائی چیمپیئن شپ میں سونے کا تمغہ اور ایشین گیمز میں کانسے کا تمغہ جیتا ہے۔
