بھارتی ٹیم نے اولمپک ٹیسٹ ایوینٹ میں جاپان کو شکست دے کر اپنی دوسری جیت درج کی۔
مردوں کی ہاکی ٹیم نے جاپان کو 3-6 سے شکست دی اور تین میچوں میں دو جیت کے ساتھ ٹورنامنٹ میں دوسرا مقام حاصل کر لیا ہے۔
بھارت نے پہلے میچ میں ملیشیا کو 0-6 سے شکست دی تھی لیکن دوسرے میچ میں اسے نیوزی لینڈ کے خلاف دلچسپ مقابلے میں شکست کا سامنا کرنا پڑا تھا۔
میزبان جاپان کے خلاف بھارتی ٹیم نے آغاز سے ہی جارحانہ رخ اختیار کیا اور وقفہ وقفہ سے گول کرتے رہی۔
میچ کے تیسرے ہی منٹ میں نوجوان کھلاڑی نیل کانت شرما نے گول کر کے ٹیم کو 0-1 کی برتری دلائی جبکہ اس کے چار منٹ بعد ہی نیلم شیس نے گول کر کے اسکور 0-2 کر دیا۔
جاپانی ٹیم بھارت کے ان حملوں کو نہیں روک سکی اور 9 ویں منٹ میں مندیپ سنگھ نے گول کر کے برتری مزید مضبوط کر دی۔
حالانکہ دوسرے کوارٹر میں جاپانی کھلاڑی کینتارو فکودا نے گول کر کے ٹیم کو معمولی راحت دلائی لیکن 29 ویں اور 30 ویں منٹ میں مندیپ سنگھ نے مزید دو گول کر کے اپنی ہیٹ ٹرک مکمل کی اور اسکور 1-5 کرکے جاپانی ٹیم کو بیک فٹ پر دھکیل دیا۔
اگلے کوارٹر میں جاپانی ٹیم نے تھوڑی مزاحمت کی اور اور دو گول کرنے میں کامیابی حاصل کی لیکن دو گولز نے محض شکست کے فرق کو کم کیا۔
اس جیت کے ساتھ ہی بھارتی ٹیم اولمپک ٹیسٹ ایونٹ ٹورنامنٹ میں دوسرے مقام پر آگئی ہے۔
