مغربی بنگال کے گورنر جگدیپ دھنكر نے بھارتی فٹبال ٹیم کے سابق اسٹار فٹبالر پردیپ کمار بنرجی کی موت کو بھارتی فٹبال کے لئے بڑا نقصان قراردیا ۔
بھارت کے عظیم فٹبالر، سابق اولمپين اور سابق کوچ پردیپ کمار بنرجی کا جمعہ کی رات انتقال ہو گیا تھا۔وہ 83 سال کے تھے۔
گورنر نے کہاکہ بھارتی اور ایشیائی فٹ بال میں ان کی شراکت کو ہمیشہ یاد رکھا جائے گا۔
گورنر دھنكر نے بنرجی کے گھر جاکر انہیں خراج عقیدت پیش کیا ۔ انہوں نے کہاکہ پی کے کے انتقال سے ایک دور کا اختتام ہو گیا ہے۔فٹ بال مغربی بنگال کے لئے خاص ہے اور پی کے فٹ بال کے لئے خصوصی تھے۔
انہوں نے کھیل کے لئے وقف 50 سال کے دوران کئی نسلوں کو تیار کیا۔وزیر اعلی ممتا بنرجی نے غم کا اظہار کرتے ہوئے کہا کہ پی کے بنرجی کے انتقال سے ہندوستانی کھیلوں کو ناقابل تلافی نقصان ہوا ہے۔
انہوں نے کہا کہ پی کے کی ہندوستانی فٹ بال میں شراکت کو ہمیشہ یاد رکھا جائے گا۔اے۔
سینئر سی پی ایم لیڈر ڈاکٹر سوزین چکرورتی اور کولکاتا کے میئر فرہاد حکیم نے بھی غم کا اظہار کرتے ہوئے کہا کہ وہ بھارتی کھیلوں میں ہمیشہ امر رہیں گے۔
