مغربی بنگال کے دارلحکومت کولکاتا میں واقع میڈیکا سپراسپیشالیٹي ہاسپٹل میں گزشتہ روز 83 سالہ قومی فٹبال ٹیم کے سابق عظیم فٹبالر پی کے بنرجی کو سینے میں تکلیف کی شکایت کے بعد گزشتہ منگل کو اسپتال میں داخل کرایا گیا تھا۔
ڈاکٹر ایل این ترپاٹھی کی قیادت میں ڈاکٹروں کی ایک ٹیم نے ان کی جانچ کی اور ان کا علاج کیا۔
اسپتال سے جاری ایک بلیٹن کے مطابق علاج کے بعد بنرجی کی حالت مستحکم بتائی گئی ہے۔ انہیں اسپتال سے آج چھٹی دے دی گئی اور فزیوتھراپی کا مشورہ دیا گیا ہے۔
سابق فٹبالر اور ترنمول کانگریس کے رکن پارلیمان پرسون بنرجی نے کہاکہ دادا کی طبعیت میں بہتری آنے کے بعد ہسپتال انتظامیہ نے انہیں ڈسچارج کیا ہے۔
انہوں نے کہاکہ دادا پہلے سے بہتر ہیں۔ داکٹروں نے انہیں کھانے پینے پراحتیاط برتنے کا مشورہ دیا ہے۔ اس کے علاوہ ہستپال سے چھٹی ملنے کے بعد انہیں فزیوتھراپی کا مشورہ دیا گیا ہے۔
واضح رہے کہ پردیپ کمار بنرجی جو بھارتی فٹبال کی تاریخ میں پی کے بنرجی کے نام سے مشہور ہیں۔ انہوں نے کہاکہ بھارتی فٹبال کی تاریخ میں کئی نمایاں کارنامہ انجام دیا ہے۔
