اسپین کی فٹ بال ٹیم منگل کی رات اٹلی کے خلاف یوروپی چیمپیئن شپ کے سیمی فائنل سے قبل پیر کے روز لندن کے لیے روانہ ہوگئی ہے۔
اسپین نے آخری 16 میں کروشیا کو 3۔5 سے شکست دینے کے لیے اضافی وقت کی ضرورت پڑی تھی، جب کہ ان کا کوارٹر فائنل سوئٹزرلینڈ کے خلاف پنالٹی شوٹ آؤٹ میں چلا گیا تھا۔
مستقل اضافی وقت کا مطلب یہ ہے کہ اسپین نے اپنے آخری دو میچوں میں اٹلی سے ایک گھنٹہ زیادہ گیم کھیلا ہے۔
اسپین کو اٹلی کے خلاف اپنے آخری 14 مقابلوں میں سے صرف دو میچوں میں شکست کا سامنا کرنا پڑا ہے اور اسے 2008 کے یوروپی چمپیئن شپ میں اٹلی کے خلاف کوارٹر فائنل میں فتح یاد ہوگی، جس نے واقعی ایک اعلیٰ ٹیم کی حیثیت سے اپنی پوزیشن کو مضبوط کیا تھا۔
یہ بھی پڑھیں: euro 2020: انگلینڈ اور ڈنمارک سیمی فائنل میں داخل
اس کے ساتھ ہی اسپین نے کامیابی کا دور شروع کیا جس میں انہیں 2010 کے ورلڈ کپ اور یورو 2012 میں کامیابی حاصل کی، جہاں انہوں نے فائنل میں اٹلی کو 0۔4 سے شکست دی تھی۔
فی الحال اٹلی کی ٹیم ماضی کی دفاعی ٹیموں سے بہت مختلف ہے۔ رابرٹو مانسینی کے مڈفیلڈ میں شاندار کارکردگی کی بنیاد پر ایک مختلف ٹیم بن چکی ہے۔
واضح رہے کہ یورو کپ 2020 کا پہلا سیمی فائنل بدھ کو اٹلی اور اسپین کے درمیان کھیلا جائے گا جب کہ دوسرے سیمی فائنل میں انگلینڈ اور ڈنمارک 8 جولائی کو ویمبلے اسٹیڈیم میں مدمقابل ہوں گے۔
