Mohammedan Sporting: محمڈن اسپورٹنگ کی ٹیم ڈورنڈ کپ 2021 میں حصہ لے گی

محمڈن اسپورٹنگ کی ٹیم دنیا کے تیسرے قدیم ترین فٹبال مقابلوں میں شامل ڈورنڈ کپ فٹبال ٹورنامنٹ 2021 میں حصہ لے گی، اس ٹورنامنٹ میں آئی ایس ایل اور آئی لیگ کی ٹیمیں بھی شرکت کریں گی۔

بھارتی فٹبال کی تاریخ میں مشہور و مقبول ترین ٹیم محمڈن اسپورٹنگ نے ڈورنڈ کپ 2021 میں شرکت کرنے کا اعلان کیا ہے۔ محمڈن اسپورٹنگ وہ کلب ہے جس نے بھارت کی آزادی سے پہلے 1940 میں برطانوی دور حکومت میں انگریزی ٹیموں کو شکست دے کر پہلی مرتبہ ڈورنڈ کپ جیتنے کا اعزاز حاصل کیا تھا۔

محمڈن اسپورٹنگ کی ٹیم ڈورنڈ کپ 2021 میں حصہ لے گی

ڈورنڈ کپ میں محمڈن اسپورٹنگ کی تاریخی جیت بھارت میں انگریزوں پر آزادی سے قبل کھیل کے میدان میں پہلی کامیابی تھی۔انڈین فٹبال ایسوسی ایشن (مغربی بنگال) کے مطابق ڈورنڈ کپ 2021 میں محمڈن اسپورٹنگ کے علاوہ آئی لیگ کی دوسری ٹیمیں گوکھلم کیرالہ ایف سی، سدیوایف سی اور بنگلورو یونائٹیڈ ایف سی کی ٹیمیں بھی اس ٹورنامنٹ میں حصہ لیں گی۔اس کے علاوہ آئی ایس ایل کی فرنچائزی ٹیم بنگلورو ایف سی، کیرالہ بلاسٹرس، حیدرآباد ایف سی کے علاوہ انڈین آرمی ریڈ اینڈ گولڈ، بھارتی بحریہ اور سی آر پی ایف کی ٹیمیں بھی شامل ہوں گی۔

بھارت میں برطانوی حکومت کے دور میں پہلی مرتبہ 1888 میں اس وقت کے وائسرائے ماسٹر ڈورنڈ نے ہماچل پردیش میں اس ٹورنامنٹ کا آغاز کیا تھا. محمڈن اسپورٹنگ نے 1940 میں پہلی مرتبہ برطانوی ٹیموں کو شکست دے کر خطاب جیتا تھا۔

ملک کی آزادی سے پہلے 1888 سے لے کر 2019 تک اس مقابلے کا انعقاد کا سلسلہ بدستور جاری رہا لیکن 2020 میں کورونا وائرس کے سبب تاریخی فٹبال ٹورنامنٹ کو منسوخ کیا گیا تھا۔

ڈورنڈ کپ فٹبال ٹورنامنٹ 2021 کے ذریعہ کولکاتا کے میدانوں میں ایک بار پھر کھیل کی سرگرمیاں بحال کرنے کی کوشش تیز ہوگئی ہے۔ اس کی تیاریاں زور شور سے جاری ہے۔