ایف سی گوا، اٹلیٹیکو ڈی کولکاتااور بنگلور ایف سی کے درمیان اس سال ہیرو انڈین سپر لیگ (آئی ایس ایل ) کے چھٹے سیزن کی پوائنٹس ٹیبل میں پہلا مقام حاصل کرنے کے لئے دوڑ لگی ہے۔
کیونکہ جو پہلے مقام پر رہے گا۔ اسے اے ایف سی چمپئنز لیگ میں کھیلنے کا موقع ملے گا۔
ایسے میں گورس نام سے مشہور ایف سی گوا ٹیم کو ہفتہ کو اپنے گھریعنی فتوردا کے جواہر لال نہرو اسٹیڈیم میں کیرالا بلاسٹرز سے کھیلنا ہے اور یہ ٹیم ہر حال میں تین پوائنٹس حاصل کرتے ہوئے ہوئے ایک بارپھر ٹاپ پر پہنچنا چاہے گی۔
اس میچ کی اہمیت کو سمجھتے ہوئے گوا کے کوچ سرگيو لوبیرا نے کہاکہ مجھے لگتا ہے کہ یہاں کے بعد سے ہر ایک میچ فائنل کی طرح ہے۔ ہر ٹیم ایک جیسے حالت میں ہے۔
ہمارے لئے یہ بہت اہم میچ ہے اور ہم قدم بہ قدم آگے بڑھنا چاہیں گے۔ ہمارے لئے یہ بڑا موقع ہے اور ساتھ ہی ساتھ بڑا چیلنج بھی ہے۔
دوسری طرف، کیرالا بلاسٹرز کو بھی کسی بھی صورت میں جیت کی ضرورت ہے۔ گوا کے خلاف اگر اسے پوائنٹس گنوانے پڑتے ہیں تو اس کے آگے جانے کے امکانات تقریبا ختم ہو جائیں گے۔
گوا کی ٹیم 13 میچوں سے 24 پوائنٹس لے کر تیسرے نمبر پر ہے جبکہ بلاسٹرز اتنے میچوں سے 14 پوائنٹس لے کر آٹھویں نمبر پر ہے۔ گوا کی جیت ہوتی ہے تو وہ بنگلور ایف سی (25) سے دو پوائنٹس زیادہ لیتے ہوئے پہلے نمبر پر پہنچ جائے گی۔
ہار کی صورت میں بلاسٹرز آٹھویں نمبر پر ہی رہیں گے اور فتح کی صورت میں وہ ساتویں نمبر پر پہنچیں گے۔اس میچ سے پہلے بلاسٹرز کے کوچ آلکو ا سكاٹوري نے کہاکہ ٹاپ -4 میں پہنچنے کی امیدیں اب بھی برقرار ہیں۔ ہم نے محنت کی ہے اور اب نتائج پر ہماری نظریں ہیں۔ میں پریکٹس پر توجہ دیتا ہوں۔ پریکٹس بہترین رہے گی تو پیش رفت بھی اچھی ہو گی۔ جب تک کچھ بھی طے نہیں ہے، ہم آگے بڑھتے رہیں گے۔
گوا کی ٹیم یہ میچ اپنے گھر میں کھیل رہی ہے۔ اپنے گزشتہ میچ میں گوا کو ممبئی سٹی ایف سی کے ہاتھوں 0-2 سے شکست ملی تھی لیکن گھر میں اس کا ریکارڈ اچھا ہے۔ گوا نے گھر میں تینوں میچ جیتے ہیں اورصرف تين گول کھائے ہیں۔ یہ سیزن کے لحاظ سے ایک ریکارڈ ہے۔
لوبیرا کی نگرانی میں گوا نے بلاسٹرز کے خلاف شاندار کھیل کا مظاہرہ کیا ہے۔ اس ٹیم نے لوبیرا کی نگرانی میں بلاسٹرزنے پانچ میچ کھیلے ہیں اور چار میچ جیتے ہیں۔ ایک میچ ڈرا رہا ہے۔
اعداد و شمار گوا کے حق میں ہیں اور وہ جیت سے تین پوائنٹس لے کر پہلے نمبر پر پہنچنے کے لئے پر یقین ہے لیکن وہ کسی بھی حال میں بلاسٹرز کو کمتر نہیں سمجھ رہا ہے۔ بلاسٹرز کی ٹیم اچھی ہے اور گوا کو اس کے گھر میں چیلنج دے سکتی ہے۔ ایسے میں فتوردا میں ایک شاندار مقابلہ دیکھنے کو ملے گا، اس میں کوئی شک نہیں ہے۔
