آل انڈیا فٹبال فیڈریشن (اے آئی ایف ایف) نے کورونا وائرس کی وجہ سے کھیل سرگرمیاں معطل ہونے کے درمیان جمعہ کو ریفری کے لئے آن لائن ٹیوٹوریل کلاس شروع کی۔
اس منصوبے سے ریفریوں کو گھر بیٹھ کر بہت کچھ سکھنے کا موقع مل سکتا ہے۔ ریفریوں نے بھی اے آئی ایف ایف کے منصوبے کی تعریف کی۔
کلاس تین اور کلاس چار کے کل 60 ریفریوں کو دو بیچ میں تقسیم کیا گیا ہے اور ان لوگوں کو دو گھنٹے کی آن لائن کلاس دی جائے گی۔ بیچ اے کو سریش سری نواسن اور بھاسکر کوچنگ دیں گے جبکہ انٹونی ڈی کوسٹا اور رضوان الحق بیچ بی کو ٹریننگ دیں گے۔
کوچنگ دینے والے چاروں فیفا کے سابق ریفری رہ چکے ہیں۔ اس کے علاوہ 50 سپروائزر اور انسٹرکٹر بھی اس کلاس کا حصہ ہوں گے۔
اے آئی ایف ایف ریفری ڈائریکٹر روی شنکر نے کہا کہ کورونا وائرس کی وجہ سےتمام سرگرمیاں ٹھپ ہونے کے سبب ہم ریفری کے لئے منصوبہ بندی لے کر آئے ہیں۔ ریفریوں کو بہتر بنانے کے لئے یہ کلاس شروع کی جائیں گی۔ ان مشکل حالات میں ہم ڈیجیٹل ذریعے کا سہارا لیں گے۔ ہمیں لگتا ہے کہ لاک ڈاؤن میں وقت کا استعمال کرنے کے لئے یہ بہترین طریقہ ہے۔
