نئی دہلی: راجیہ سبھا میں یوم آئین پر بحث کے دوران مرکزی وزیر داخلہ امت شاہ کے ذریعہ آئین کے معمار ڈاکٹر بی آر امبیڈکر سے متعلق مبینہ ریمارکس کے معاملے پر جم کر سیاست ہو رہی ہے۔ کانگریس اور بی جے پی آمنے سامنے آگئے ہیں۔
#WATCH | Congress leader Supriya Shrinate says, " this is the mail that 'x' has written to us, to congress leaders - inc, jairam ramesh, me and others. in the mail, they say that the ministry of home affairs & information and broadcasting ministry have written to them that the… pic.twitter.com/EAInSNyMmK
— ANI (@ANI) December 19, 2024
کانگریس لیڈر سپریہ شرینیٹ نے دعویٰ کیا ہے کہ مرکزی حکومت سوشل میڈیا پلیٹ فارم ایکس سے امت شاہ کا بی آر امبیڈکر سے متعلق متنازعہ مبینہ ریمارکس والے ویڈیو کو ہٹانا چاہتی ہے۔ انھوں نے کہا کہ، ایکس نے انھیں، کانگریس لیڈر جے رام رمیش اور دیگر کو ایک میل لکھا ہے۔
سپریا شرینیٹ کے مطابق میل میں ایکس نے لکھا ہے کہ، وزارت داخلہ اور اطلاعات و نشریات نے انہیں لکھا ہے کہ امت شاہ کی ویڈیو کو ہٹایا جائے کیونکہ یہ بھارت کے قانون کی خلاف ورزی ہے۔ شرینیٹ کے مطابق ایکس نے مرکز کی اپیل کو مسترد کر دیا ہے۔ ایکس نے واضح کیا ہے کہ وہ ایسا نہیں کررہے ہیں کیونکہ وہ اس کے تحفظ کا حق رکھتے ہیں۔ شرینیٹ نے مزید کہا کہ، ایکس ہمیں دکھانا چاہتا ہے کہ امت شاہ کس چیز سے ڈر رہے ہیں؟
سپریہ شرینیٹ نے امت شاہ سے معافی کا مطالبہ کیا اورانھیں برطرف کرنے کا مطالبہ کیا۔
کانگریس لیڈر نے بی جے پی ہینڈل سے کانگریس کے احتجاج کی ایڈیٹیٹ تصویر شیئر کیے جانے پر کہا کہ، گزشتہ رات بی جے پی کے ہینڈل سے ایک تصویر پوسٹ کی گئی جس میں باباصاحب کے خلاف کل ہمارے احتجاج کی تصویر ایڈٹ کر کے جارج سوروس کی تصویر چسپا کی گئی۔ سپریہ شرینیٹ نے سوال کیا کہ، کیا آپ (بی جے پی) کے لیے بابا صاحب کی تصویر کو ایڈٹ کرنا اتنا آسان ہے؟... آپ کی یہ ذہنیت ظاہر کرتی ہے کہ آپ کو آئین اور بابا صاحب کے ساتھ مسئلہ ہے۔
یہ بھی پڑھیں:
