نئی دہلی: پاکستان کے خلاف غیر متوقع شکست کے بعد، بھارتی خواتین ٹیم 8 اکتوبر کو دن کے دوسرے میچ میں ویمن ایشیا کپ 2022 میں بنگلہ دیش سے مقابلہ کرے گی۔ گزشتہ میچ میں بھارت نے اپنے بیٹنگ آرڈر کو آزمانے کی کوشش کی، لیکن وہ بری طرح ناکام رہا، کیونکہ ٹیم انڈیا اپنا میچ پاکستان سے ہار گئی۔ تاہم شکست کے باوجود بھارتی ٹیم پوائنٹس ٹیبل پر سرفہرست ہے، مزید بھارتی ٹیم بنگلہ دیش کے خلاف برتری کو مستحکم کرنے کی کوشش کریں گے۔
اس وقت اگر ہم پوائنٹس ٹیبل پر نظر ڈالیں تو ویمن ایشیا کپ 2022 پوائنٹس ٹیبل میں بنگلہ دیش چار پوائنٹس کے ساتھ تیسرے نمبر پر ہے، جبکہ پاکستان (چھ پوائنٹس کے ساتھ) دوسرے نمبر پر ہے۔ بنگلہ دیش ایک جیت سے آج دوسرے نمبر پر چلا جائے گا اور بھارت رن ریٹ کی بنیاد پر اپنی ٹاپ پوزیشن کھو سکتا ہے۔
ویمنز ایشیا کپ میں اس شکست کے بعد پاکستان پوائنٹس ٹیبل میں بھارت کے قریب پہنچ گیا ہے۔ ہرمن پریت کور کی قیادت والی ٹیم انڈیا آج بنگلہ دیش کے خلاف اپنا پانچواں میچ جیت کر اپنی پوزیشن برقرار رکھنے کی کوشش کرے گی۔ اگر آج بھارت ہار جاتا ہے تو پاکستان یا بنگلہ دیش ان سے نمبر 1 کا تاج چھین سکتے ہیں۔
اعداد و شمار کے مطابق، بھارت اس وقت 4 میں سے 3 میچ جیت کر 6 پوائنٹس کے ساتھ پوائنٹس ٹیبل پر سرفہرست ہے۔ اس کے ساتھ ہی پاکستان کے بھی 4 میچوں میں 6 پوائنٹس ہیں، تاہم رن ریٹ کی وجہ سے بھارت سرفہرست ہے۔ بھارت کا نیٹ رن ریٹ +2.480 ہے، جبکہ پاکستان کا +1.684 ہے۔ بنگلہ دیش 4 پوائنٹس اور +1.829 کے نیٹ رن ریٹ کے ساتھ تیسرے نمبر پر ہے۔ بھارت کی ایک اور شکست ان دونوں ٹیموں کو بڑا فائدہ دے سکتی ہے۔ اس لیے آج ٹیم انڈیا میچ جیتنے کی پوری کوشش کرے گی۔
انڈیا ویمن اور بنگلہ دیش ویمن کے درمیان ایشیا کپ کا میچ سلہٹ انٹرنیشنل کرکٹ اسٹیڈیم میں کھیلا جائے گا۔ انڈیا ویمن اور بنگلہ دیش ویمن کے درمیان ایشیا کپ کا میچ 8 اکتوبر کو IST دوپہر 1 بجے شروع ہوگا۔ ایشیا کپ کا یہ میچ بھارت میں سٹار اسپورٹس نیٹ ورک پر نشر کیا جائے گا۔
مزید پڑھیں:
