پاکستان کے شہر کراچی کے نیشنل اسٹیڈیم میں پاکستان سُوپر لیگ یعنی پی ایس ایل سیزن 6 کے میچز کھیلے جارہے ہیں۔ جس میں کچھ کچھ ریکارڈز بھی بن رہے ہیں۔ نئے ریکارڈ میں پاکستانی ٹیم کے تیز گیندباز شاہین شاہ آفریدی سب سے کم عمر 100 وکٹیں لینے والے کھلاڑی بن گئے ہیں۔ شاہین شاہ آفریدی نے محمد رضوان کو آؤٹ یہ ریکارڈ اپنے نام کیا۔
شاہین آفریدی نے ملتان سلطانز کے خلاف میچ میں پہلے شاندار یارکر پر کرس لین کو پوویلین چلتا کیا۔ بعد میں شاہین شاہ آفریدی نے شاندار اننگز کھیلنے والے ملتان سلطانز کے کپتان محمد رضوان کو پویلین بھیج کر ٹی ٹوئنٹی کرکٹ میں اپنی 100 وکٹیں مکمل کیں۔ واضح رہے کہ شاہین شاہ آفریدی نے یہ اعزاز 20 سال اور 326 دن کی عمر میں حاصل کیا ہے۔
یہ منظر بڑا ہی خوبصورت تھا کیونکہ شاہین شاہ آفریدی نے محمد رضوان کو آؤٹ کرنے کے بعد جشن منانے کے بجائے انہیں گلے لگالیا۔
