دبئی: آئی سی سی نے بدھ کے روز تازہ ترین ون ڈے بیٹنگ رینکنگ جاری کردی ہے۔ پاکستان کے کپتان بابر اعظم پہلے نمبر پر ہیں جب کہ ان کے ہم وطن فخر زمان کو نیوزی لینڈ کے خلاف ان کی اچھی بیٹنگ کا فائدہ ملا ہے اور وہ تین مقام کی لمبی چھلانگ لگا کر دوسرے نمبر پر پہنچ گئے ہیں۔ وہیں جنوبی افریقہ کے بلے باز راسی وین ڈیر ڈوسن کو ایک مقام کا نقصان ہوا ہے۔ آئی سی سی کی تازہ ترین بیٹنگ رینکنگ میں پاکستان کے بلے بازوں کی برتری برقرار ہے۔ پہلی اور دوسری پوزیشن پر پاکستانی کھلاڑیوں کا قبضہ ہے۔ اس کے ساتھ ساتھ پاکستان کے امام الحق بھی پانچویں پوزیشن پر موجود ہیں۔ صرف ایک بھارتی بلے باز ٹاپ 5 میں جگہ بنانے میں کامیاب ہوئے ہیں۔ شاندار فارم میں موجود شبمن گل 7738 پوائنٹس کے ساتھ چوتھی پوزیشن پر ہیں۔
وراٹ کوہلی ساتویں اور بھارتی کپتان روہت شرما نویں نمبر پر ہیں۔ آسٹریلیا کے ڈیوڈ وارنر چھٹے نمبر پر ہیں۔ اس کے ساتھ ہی بولنگ میں جوش ہیزل ووڈ سرفہرست ہیں، جب کہ بھارت کے محمد سراج دوسرے نمبر پر ہیں۔ آسٹریلیا کے مچل اسٹارک تیسرے نمبر پر ہیں۔ نیوزی لینڈ کے فاسٹ بولرز ٹرینٹ بولٹ اور میٹ ہنری کے نام چوتھی اور پانچویں پوزیشن پر ہیں۔ بنگلہ دیش کے آل راؤنڈر شکیب الحسن آل راؤنڈرز کی فہرست میں سرفہرست ہیں۔ اس کے ساتھ ہی افغانستان کے محمد نبی دوسرے نمبر پر ہیں، ان کے ہم وطن راشد خان تیسرے نمبر پر ہیں۔ چوتھے نمبر پر زمبابوے کے اسٹار کھلاڑی سکندر رضا کا نام ہے۔ اس کے ساتھ ہی عمان کے کھلاڑی نے ٹاپ 5 میں جگہ بنا لی ہے۔ ذیشان مقصود 252 پوائنٹس کے ساتھ پانچویں نمبر پر ہیں۔ بھارت کا کوئی بھی کھلاڑی ٹاپ 5 میں جگہ نہیں بنا سکا ہے۔
مزید پڑھیں:
