مانچسٹر: انگلینڈ کے سلامی بلے باز زاک کرولی (189) بھلے ہی اپنی ڈبل سنچری سے چوک گئے ہوں لیکن ان کی شاندار اننگز کی بدولت انگلینڈ نے جمعرات کو چوتھے ایشز ٹیسٹ کی پہلی اننگز میں آسٹریلیا کے خلاف 384 رنز بنا کر 67 رنز کی برتری حاصل کر لی۔ کرولی نے اپنے ایشز کیریئر کی بہترین اننگز میں 21 چوکوں اور تین چھکوں کی مدد سے 182 گیندوں میں 189 رنز بنائے۔ اس کے علاوہ معین علی نے 82 گیندوں پر 54 رنز بنائے جبکہ جو روٹ نے 95 گیندوں پر 84 رنز بنائے۔ آسٹریلیا نے دن کا آغاز 299/8 کے اسکور سے کیا لیکن آل آؤٹ ہونے سے پہلے وہ صرف 18 رنز کا اضافہ کر سکا۔ کپتان پیٹ کمنز دن کی پہلی گیند پر جیمز اینڈرسن کا شکار ہوئے جب کہ کرس ووکس نے جوش ہیزل ووڈ کو آؤٹ کر کے اپنی پانچویں وکٹ پر آسٹریلوی اننگز کا خاتمہ کیا۔
جواب میں انگلینڈ نے اپنی پہلی وکٹ صرف نو رنز پر گنوا دی، حالانکہ اس کے بعد آسٹریلیا کے پاس جشن منانے کا بہت کم موقع تھا۔ کرولی اور معین نے دوسری وکٹ کے لیے 121 رنز کی سنچری پارٹنرشپ کی۔ معین نے 82 گیندوں پر سات چوکوں کی مدد سے 54 رنز بنائے اور ان کے آؤٹ ہونے کے بعد کرولی۔ روٹ نے بیس بال کی تابڑ توڑ بلے کا ثبوت دیا۔ 67 گیندوں میں اپنی نصف سنچری مکمل کرنے والے کرولی نے اگلے 50 رنز بنانے کے لیے صرف 26 گیندیں لیں جب کہ روٹ نے بھی 45 گیندوں میں اپنی نصف سنچری بنائی۔ ایشز کی تاریخ میں یہ تیز ترین ففٹی ہے۔
یہ بھی پڑھیں: India vs West Indies پہلے دن کا کھیل ختم، بھارت کا اسکور چار وکٹ پر 288رنز
کرولی روٹ کی بلے بازی کے نتیجے میں انگلینڈ نے دن کے دوسرے سیشن میں سات سے زائد کی شرح سے 178 رنز جوڑے۔ کرولی روٹ کے درمیان 206 رنز کی طوفانی شراکت ہوئی اور آسٹریلیا کو تب ہی سکون ملا جب آخری گھنٹے میں دونوں وکٹیں گر گئے۔ اپنی ڈبل سنچری سے صرف 11 رنز کے فاصلے پر کھڑے کرولی کے بلے سے گیند چھٹک کر اسٹمپ سے جالگی، جبکہ روٹ بھی ایک گیند کو کافی اچھال نہ ملنے کی وجہ سے بولڈ ہوگئے۔ دن کا کھیل ختم ہونے سے قبل ہیری بروک (41 گیندوں، 14 رنز) اور بین اسٹوکس (37 گیندوں، 24 رنز) نے انگلینڈ کی پانچویں وکٹ کو گرنے نہیں دیا۔
یو این آئی
