آئی پی ایل کے بعد رنجی ٹرافی کی واپسی ہورہی ہے۔ آٹھ ٹیموں کا یہ ناک آؤٹ راؤنڈ 6 جون سے بنگلورو میں کھیلا جائے گا، جس میں چار کوارٹر فائنل، دو سیمی فائنل اور ایک فائنل ہوگا۔ Ranji Trophy Quarterfinals 2022 لیگ راؤنڈ کی کارکردگی کے بعد بنگال، کرناٹک، ممبئی، مدھیہ پردیش، پنجاب، اتر پردیش، اتراکھنڈ اور جھارکھنڈ کی ٹیمیں ناک آؤٹ راؤنڈ میں پہنچی ہیں۔
ان ٹیموں کی اب تک کی کارکردگی پر ایک نظر:
بنگال: بنگال نے لیگ راؤنڈ میں اپنے تینوں میچ میں جیت درج کی تھی۔ کوارٹر فائنل میں بنگال کا مقابلہ ہمسایہ جھارکھنڈ سے ہوگا۔ بنگال کی ٹیم گزشتہ ایک ہفتے سے بنگلورو میں ہے اور اس نے کرناٹک الیون کے خلاف دو وارم اپ میچ بھی کھیلے ہیں تاکہ حالات کے ساتھ بہتر تال میل بیٹھا سکے۔
ٹیم کے کپتان ابھیمنیو ایشورن ہیں، جو گزشتہ دوسال سے بھارتی ٹیسٹ ٹیم کے ارد گرد ہیں۔ اس کے علاوہ ٹیم میں آل راؤنڈر شہباز احمد بھی ہیں، جنہوں نے گزشتہ دو سال سے ڈومیسٹک کرکٹ کے علاوہ آئی پی ایل میں بھی اپنی کارکردگی کا لوہا منوایا ہے۔ ٹیم میں ایشان پورل، مکیش کمار اور آکاش دیپ کی شکل میں تین اچھے تیز گیند باز ہیں۔ ردھیمان ساہا ٹیم میں نہیں ہیں، جس کی وجہ سے نوجوان وکٹ کیپر بلے باز ابھیشیک پورل کے لیے راستہ ہموار ہے، جو اس سال انڈر 19 ورلڈ کپ جیتنے والی ٹیم کا حصہ تھے۔
Ranji Trophy 2022: رنجی ٹرافی مقابلے میں بہارکو اروناچل پردیش کے ہاتھوں شکست
کرناٹک: ونے کمار اور ابھیمنیو متھن کے ریٹائرمنٹ کے بعد کرناٹک کی تیز گیند بازی کمزورہوئی ہے۔ اس کے علاوہ قومی ٹیم میں سلیکشن ہونے کی وجہ سے پرسدھ کرشنا بھی ٹیم کے لیے دستیاب نہیں ہوں گے۔ ٹیم میں رونیت مورے سب سے تجربہ کار بولر ہیں جن کے نام 31 فرسٹ کلاس میچوں میں 97 وکٹیں ہیں۔ مینک اگروال کی ٹیم میں واپسی ہوئی ہے، جو دو سال بعد بھارتی ٹیسٹ ٹیم کا حصہ نہیں ہیں۔ اس کے علاوہ ٹیم میں دیودت پڈیکل، کورونا نائر اور منیش پانڈے جیسے بلے باز ہیں، جو اس ٹیم کے بیٹنگ آرڈر کو مضبوط کرتے ہیں۔
یو این آئی
