لاہور: بھارتی کرکٹ کنٹرول بورڈ (بی سی سی آئی) کے ایشیا کپ 2023 کے لیے ٹیم پاکستان بھیجنے سے انکار کے بعد پاکستان کرکٹ بورڈ (پی سی بی) بھارت میں ہونے والے عالمی کپ 2023 میں شرکت نہ کرنے پر غور کر رہا ہے۔ جیو نیوز نے منگل کو ذرائع کے حوالے سے یہ اطلاع دی۔ ذرائع کے مطابق لاہور میں پی سی بی تھنک ٹینک کا اجلاس ہو رہا ہے جس میں ایشیا کپ میں شرکت کے لیے بھارت کے پاکستان نہ آنے کا معاملہ زیر غور ہے۔ Pakistan Cricket Board on World Cup 2023
واضح رہے کہ پاکستان 2023 میں 50 اوور کے ایشیا کپ کی میزبانی کرے گا جس کے بعد ورلڈ کپ بھارت میں ہوگا۔ اپنے بیان میں، جے شاہ نے کہا، "ایشیا کپ 2023 تیسرے مقام پر منعقد ہوگا۔ میں یہ بات ایشین کرکٹ کونسل (اے سی سی) کے صدر کی حیثیت سے کہہ رہا ہوں۔ ہم (بھارت) وہاں (پاکستان) نہیں جا سکتے، وہ بھی یہاں نہیں آ سکتے۔ ماضی میں بھی ایشیا کپ تیسرے مقام پر منعقد ہوتا رہا ہے۔
جیو نیوز نے ذرائع کے حوالے سے بتایا کہ پی سی بی نے منگل کو یہاں ایک اجلاس بلایا جس میں ایشیا کپ میں شرکت سے متعلق ہندوستان کے بیان پر غور کیا گیا۔ پاکستان ایشیا میں کرکٹ کی گورننگ باڈی اے سی سی سے نکلنے پر بھی غور کر رہا ہے۔ ذرائع کے مطابق پی سی بی جلد ہی شاہ کے "یکطرفہ" فیصلے کو غیر ضروری اور جلد بازی قرار دیتے ہوئے ایک بیان جاری کر سکتا ہے۔ انٹرنیشنل کرکٹ کونسل (آئی سی سی) کے فیوچر ٹور پروگرام (ایف ٹی پی) کے مطابق پاکستان کو ایشیا کپ 2023 کے علاوہ چیمپئنز ٹرافی 2025 کی میزبانی کرنی ہے جب کہ ورلڈ کپ 2023 کی میزبانی بھارت کے پاس ہے۔
یہ بھی پڑھیں: Asia Cup 2023 بھارتی ٹیم ایشیا کپ 2023 کے لیے پاکستان نہیں جائے گی، جے شاہ
بھارت نے 2006 سے پاکستان کا دورہ نہیں کیا۔ دونوں ممالک کی حکومتوں کے درمیان کشیدہ تعلقات کی وجہ سے ہندوستان اور پاکستان نے 2012 سے باہمی کرکٹ بھی نہیں کھیلی ہے۔ 2022 کے ایشیا کپ میں ہندوستان اور پاکستان کے درمیان آخری میچ اگست ستمبر میں کھیلا گیا تھا۔ دونوں ٹیمیں ٹی ٹوئنٹی ورلڈ کپ کے اپنے پہلے میچ میں 23 اکتوبر کو آمنے سامنے ہوں گی۔
یو این آئی
