پاکستان نے ٹاس جیت کر جنوبی افریقہ کو بلے بازی کی دعوت دی تھی جس کے بعد جنوبی افریقہ نے مقررہ 20 اوورز میں 203 رنوں کا پہاڑ کھڑا کر دیا تھا لیکن بابر اعظم اور محمد رضوان کے مابین پہلے وکٹ کی ریکارڈ پارٹنرشپ نے افریقہ کے اسکور کو بونا ثابت کر دیا۔
پہلے بلے بازی کرتے ہوئے جنوبی افریقہ نے جانیمن ملان اور ایڈن مارکرم کی نصف سبچری اور رسی وان ڈر ڈسین کی 20 گیندوں میں 34 رنوں کی بدولت 203 رنز بنائے تھے۔
ہدف کا تعاقب کرنے اتری پاکستانی ٹیم کی جانب سے بابر اعظم اور محمد رضوان نے اننگ کی شروعات کی اور پہلے وکٹ کے لیے 197 بنا کر ٹیم کو جیت کی دہلیز پر پہنچادیا۔
ان دونوں بلے بازوں نے 17.4 اوورز میں 197 رنز کی پارٹنرشپ کی۔ اس دوران انہوں نے میدان کے چاروں جانب شاٹس لگا کر ٹیم کی جیت کو یقینی بنا دیا۔
بابر اعظم نے 59 گیندوں میں 15 چوکوں اور 4 چھکوں کی مدد سے 122 رنوں کی جارحانہ اننگ کھیل جبکہ محمد رضوان نے 47 گیندوں میں 5 چوکوں اور 2 چھکوں کی مدد سے 73 رنز بنائے۔
بابر کے آؤٹ ہونے کے بعد فخر زمان کریز پر آئے اور دو گیندوں میں دو چوکے لگا کر ٹیم کو جیت سے ہمکنار کیا۔
اس سے قبل جنوبی افریقہ نے جانیمن ملان نے 40 گیندوں میں 5 چوکوں اور 2 چھکوں کی مدد سے 55 رنز اور مارکرم نے 31 گیندوں میں 6 چوکوں اور 4 چھکوں کی مدد سے 63 رنوں کی جارحانہ اننگ کی بدولت 203 رنز کو مضبوط اسکور بنایا تھا۔
پاکستان کی جانب سے محمد نواز نے دو وکٹیں حاصل کیں جبکہ شاہین آفریدی، حسن علی اور فہیم اشرف نے ایک ایک بلے باز کو آؤٹ کیا۔
