ممبئی:بی سی سی آئی نے ایک ریلیز میں کہاکہ ویسٹ انڈیز کے خلاف شروع ہونے والی ٹیسٹ سیریز سے ڈریم 11 ہندوستانی ٹیم کی جرسی پر نظر آئے گا۔
بی سی سی آئی کے صدر راجر بنی نے کہاکہ بی سی سی آئی کے باضابطہ اسپانسر ہونے سے لے کر اہم اسپانسر ہونے تک، بی سی سی آئی-ڈریم 11 کی شراکت مضبوطی کے ساتھ آگے بڑھی ہے۔ یہ ہندوستانی کرکٹ کے اعتماد، قدر، صلاحیت اور ترقی کا زندہ ثبوت ہے۔
انہوں نے کہاکہ ہم اس سال کے آخر میں آئی سی سی ورلڈ کپ کی میزبانی کے لیے تیاری کر رہے ہیں، اس لئے شائقین کے تجربے کو بڑھانا ہماری اولین ترجیحات میں سے ایک ہے۔ مجھے یقین ہے کہ اس شراکت داری سے ہمیں مداحوں کے تجربے کو بہتر بنانے میں مدد ملے گی۔
یہ بھی پڑھیں:ورلڈ کپ سے قبل بھارت کو انجری سے راحت، دو کھلاڑیوں کی واپسی
ڈریم اسپورٹس کے شریک بانی اور سی ای او ہرش جین نے کہاکہ بی سی سی آئی اور ہندوستانی ٹیم کے دیرینہ پارٹنر کے طور پر، ڈریم 11 ہماری شراکت کو اگلی سطح پر لے جانے کے لیے پرجوش ہے۔ ہم ایک ارب ہندوستانی کرکٹ شائقین کے ساتھ کرکٹ کے لیے اپنی محبت بانٹتے ہیں۔ قومی ٹیم کا مرکزی اسپانسر ہونا ہمارے لیے فخر اور اعزاز کی بات ہے۔ ہم ہندوستانی کھیلوں کے ماحولیاتی نظام کی حمایت جاری رکھنے کے منتظر ہیں۔
یواین آئی
