آکلینڈ: آندرے ایڈمز، 2023 ایک روزہ ورلڈ کپ کے بعد نیوزی لینڈ کے باؤلنگ کوچ کا کردار چھوڑنے والے شین جورگنسن کی جگہ لیں گے۔ نیوزی لینڈ کی مردوں کی ٹیم کے ساتھ ایڈمزپہلے دن بدھ کو آکلینڈ میں ٹیم کے ہیڈ کوچ گیری سٹیڈ کے گروپ کے ساتھ باؤلنگ کوچ کے کردار میں نظر آئیں گے۔ اس گروپ میں بیٹنگ کوچ کے طورپر نیوزی لینڈ کے سابق وکٹ کیپر بلے باز لیوک رونچی بھی شامل ہیں۔
ایڈمز نے اپنے پانچ سالہ کیریئر میں نیوزی لینڈ کے لیے ایک ٹیسٹ، 42 ون ڈے اور چار ٹی ٹوئنٹی میچز کھیلے۔
ایڈمز نے آسٹریلیا کی ڈومیسٹک ٹیم نیو ساؤتھ ویلز کے باؤلنگ کوچ کا کردار سنبھالا۔ انہوں نے بی بی ایل میں سڈنی سکسرز اور آکلینڈ ٹیم کے ساتھ بھی کام کیا۔ایڈمز گزشتہ سال ستمبر-اکتوبر میں جنوبی افریقہ کے محدود اوورز کے دورے پر نیوزی لینڈ کی خواتین ٹیم کی فاسٹ باؤلنگ کوچ تھے۔
یہ بھی پڑھیں:خواتین ٹی 20 سیریز: آسٹریلیا نے ٹیم انڈیا کو سات وکٹ سے شکست دی
پاکستان کے خلاف نیوزی لینڈ کی پانچ میچوں کی ٹی ٹوئنٹی سیریز کا آغاز 12 جنوری سے آکلینڈ میں ہو گا۔ دوسرا ٹی ٹوئنٹی ہیملٹن، تیسرا ڈیونیڈن اور آخری دو ٹی ٹوئنٹی کرائسٹ چرچ میں کھیلے جائیں گے۔
یواین آئی
