نئی دہلی: کرکٹ میں سنسنی خیر مقابلہ کیا ہوتا ہے، یہ ٹیسٹ میچ دیکھ کر شائقین ضرور جان گئے ہوں گے۔ نیوزی لینڈ اور انگلینڈ کے درمیان ویلنگٹن میں کھیلے گئے دوسرے ٹیسٹ میچ (NZ vs ENG 2nd Test) میں نیوزی لینڈ نے انگلینڈ کو ایک رن سے شکست دے دی۔ اس کے ساتھ ہی دونوں ٹیموں کے درمیان دو میچوں کی ٹیسٹ سیریز 1-1 سے برابر ہوگئی۔ ٹیسٹ کرکٹ کی تاریخ میں صرف دوسری بار کوئی ٹیم 1 رن سے جیتی ہے۔ دونوں ٹیموں کے درمیان یہ مقابلہ بہت سنسنی خیز رہا۔ ایک وقت انگلینڈ کی ٹیم ٹیسٹ میچ جیتنے کے قریب تھا لیکن قسمت نیوزی لینڈ کے ساتھ رہی۔ در اصل جب انگلینڈ کو جیت کے لیے 7 رنز درکار تھے اور صرف 1 وکٹ باقی تھی، اینڈرسن نے چوکا لگایا، جس سے میچ بہت سنسنی خیز ہوگیا۔ انگلینڈ کو جیت کے لیے 2 رنز درکار تھے لیکن نیل ویگنر نے اینڈرسن کو آؤٹ کر کے نیوزی لینڈ کو 1 رنز سے جیت دلادی۔
نیوزی لینڈ نے انگلینڈ کو 258 رنز کا ہدف دیا تھا۔ انگلینڈ کی ٹیم دوسری اننگز میں 256 رنز بنا کر آؤٹ ہو گئی۔ نیوزی لینڈ کی جانب سے نیل ویگنر نے 4 وکٹیں لے کر نیوزی لینڈ کو شاندار فتح دلائی۔ ساتھ ہی ٹم ساؤتھی نے 3 وکٹیں حاصل کیں، اس کے علاوہ میٹ ہنری نے 2 وکٹیں حاصل کیں۔ اس شاندار فتح کے ساتھ ہی نیوزی لینڈ سیریز میں 1-1 سے برابر کرنے میں کامیاب ہو گیا ہے۔ بتا دیں کہ پہلے ٹیسٹ میں انگلینڈ نے کامیابی حاصل کی تھی۔
مزید پڑھیں: