چٹگانگ: کے ایل راہل کی قیادت میں بھارت نے بنگلہ دیش کو پہلے ٹیسٹ میچ کے پانچوں دن 188 رنوں سے شکست دی۔ بھارتی ٹیم نے تیسرے دن کے اختتام سے قبل ہی 258/2 پر اپنی اننگ ڈکلیئر کر دی تھی تاہم بنگلہ دیش کو آؤٹ کرنے میں اسے تقریباً چار سیشن لگے۔ India Tour of Bangladesh
بھارتی ٹیم کے کپتان کت ایل راہل نے میچ کے بعد صحافیوں سے کہا کہ 'یہ ٹیسٹ کرکٹ ہے۔ آپ کو کوئی جیت آسانی سے نہیں ملے گی۔ اتنا ٹیسٹ کرکٹ کھیلنے کے بعد ہم یہ سمجھ چکے ہیں کہ کئی مواقع پر مخالف ٹیم بھی اچھا کھیلے گی۔ ہمیں اس کا احترام کرتے ہوئےاپنا کام کرتے رہنا چاہیے۔ مجھے اس جیت پر فخر ہے۔ India vs Bangladesh Test Series
اگرچہ یہ رنز کے لحاظ سے ایک بہت بڑی فتح ہے لیکن بھارت کو بنگلہ دیش کا پہلا وکٹ حاصل کرنے کے لیے 46 اوورز تک انتظار کرنا پڑا۔ اس سے قبل بنگلہ دیش نے پہلی اننگ میں بھی بھارت کے چار وکٹ جلدی گرادئے تھے، اس کے بعد چیتشور پجارا اور شریس ایر نے بالترتیب 91 اور 86 رنز کی اننگز کھیل کر ٹیم کو مشکلات سے نکالا۔
کے ایل راہل نے مزید کہا کہ 'ہماری توانائی پورے ٹیسٹ میچ میں بہت اچھی رہی اور ہم نے اسے دن بھر برقرار رکھا۔ گزشتہ پانچ دنوں میں ہم نے ٹیم کے تئیں بہترین ذمہ داری دکھائی ہے۔ ہم نے طویل عرصے سے ٹیسٹ کرکٹ نہیں کھیلا ہے، اس لیے ہمیں اس میچ سے پہلے کچھ خدشات تھے۔ ہم نے اچھا کیا جو بہت خوش آئند ہے۔
