ممبئی انڈینز نے اتوار کو ممبئی کے بریبورن اسٹیڈیم میں کھیلے گئے ویمنز پریمیئر لیگ کے فائنل میچ میں دہلی کیپٹلز کو 7 وکٹوں سے شکست دے کر پہلا ویمنز پریمیئر لیگ ٹائٹل جیت لیا۔ 132 کے آسان ہدف کا تعاقب کرتے ہوئے ممبئی نے دہلی گیند بازوں کی عمدہ کارکردگی کی بدولت خراب شروعات کی۔ جب تانیہ بھاٹیہ (4) دوسرے ہی اوور میں آؤٹ ہو گئیں اور تھوڑی دیر بعد ہیلی میتھیوز (14) بھی پویلین لوٹ گئیں۔ لیکن یہاں سے پورے ٹورنامنٹ میں اچھی کارکردگی کا مظاہرہ کرنے والے نیٹ سکیور برنٹ (60 ناٹ آؤٹ) اور کپتان ہرمن پریت کور (37) نے شاندار بلے بازی کرتے ہوئے ممبئی کی ٹائٹل جیت کو آسان بنا دیا۔
اننگز کے 20ویں اوور میں، جب اسکرائیور نے کیپسی کو چوکا لگایا، تو ممبئی نے ویمن لیگ کا پہلا ٹائٹل تین گیندیں باقی رہ کر اپنے نام کر لیا۔ میلی کیر (14) دوسرے سرے پر ناٹ آؤٹ رہیں۔ اس سے قبل ٹاس جیت کر پہلے بیٹنگ کرتے ہوئے دہلی کیپٹلس نے ممبئی انڈینز کو جیت کے لیے 132 رنز کا ہدف دیا تھا۔ پہلے بلے بازی کرنے کا فیصلہ کرنے کے بعد دہلی کی شروعات خراب رہی اور اننگز کے دوسرے ہی اوور میں شیفالی ورما (11) کے آؤٹ ہوئے کہ دہلی کے لیے وقفے وقفے سے وکٹیں گرنے کا سلسلہ شروع ہوگیا۔ وونگ، جنہوں نے گزشتہ میچ میں اچھی گیند بازی کی انھوں نے ایلس کیپسی (0) اور جمائما روڈریگز (9) کو سستے میں آؤٹ کیا۔
ٹورنامنٹ کے آل راؤنڈر ماریجن کپ (18) بھی کچھ زیادہ کرنے میں ناکام رہے، جبکہ آف اسپنر میتھیوز نے وقفے وقفے سے تین وکٹیں حاصل کیں۔ اور مسلسل وکٹ گرتا رہا یہاں تک کہ دہلی کا اسکور 9 وکٹ پر 79 رن بن گیا۔ جب ایسا لگ رہا تھا کہ کیپٹلز سو کے ہندسے کو بھی نہیں چھو سکے گی، ایسے موقع پر شیکھا پانڈے (27 ناٹ آؤٹ) اور نمبر گیارہ بلے باز رادھا یادیو (27 ناٹ آؤٹ) نے آخری وکٹ کے لیے 51 رنز کی اہم شراکت داری کی۔ جس کی بدولت کیپٹلز نے 20 اوورز میں نے 9 وکٹوں پر 131 رنز بنا سکے۔
