بی سی سی آئی نے منگل کو آئی پی ایل 2021 کا 14 واں سیزن کورونا وائرس کی وجہ سے ملتوی کرنے کا اعلان کیا۔ یہ فیصلہ پیر کو آئی پی ایل کے بایو بلبل میں مزید کووڈ مثبت کیسز سامنے آنے کے بعد لیا گیا ہے۔
پاکستان کے سابق تیز گیند باز شعیب اختر نے کورونا کی وجہ سے بی سی سی آئی کے آئی پی ایل 2021 کو ملتوی کرنے کے فیصلے کی حمایت کی ہے۔
انہوں نے کہا کہ وبائی بیماری کے وقت تماشا نہیں کیا جاسکتا، بورڈ آف کنٹرول فار کرکٹ ان انڈیا (بی سی سی آئی) نے منگل کو آئی پی ایل 2021 کا 14 واں سیزن کورونا وائرس کی وجہ سے ملتوی کرنے کا اعلان کیا۔
یہ فیصلہ پیر کو آئی پی ایل کے بایو بلبل میں مزید کوویڈ مثبت کیسز سامنے آنے کے بعد لیا گیا ہے، یہ فیصلہ آئی پی ایل کی گورننگ کونسل اور بی سی سی آئی کے ہنگامی اجلاس میں کیا گیا۔
اختر نے اپنے یوٹیوب چینل پر کہا "اس وقت ہندوستان میں ایک قومی تباہی ہو رہی ہے۔ روزانہ کورونا کے ہزاروں کیسز بھارت میں آرہے ہیں اور روزانہ 10 سے 12 ہزار افراد مر رہے ہیں، اس دوران آئی پی ایل نہیں ہوسکتا ہے۔"
کھیل تماشا نہیں ہوسکتا، لوگ 2008 سے بہت پیسہ کما رہے ہیں اور اگر وہ ایک سال میں پیسہ نہیں کماتے ہیں تو کوئی حرج نہیں ہوگا۔ "
سابق فاسٹ بولر کا مزید کہنا تھا کہ "یہ قومی تباہی ہے، ہم نے پی ایس ایل میں ایک بایو بلبل تیار کیا جو ناکام رہا، ہندوستان نے بائیو بلبل بنایا اور وہ بھی ناکام ہوگیا۔ اب وقت آگیا ہے لوگوں کی جان بچانے کا۔"اس کی جگہ کوئی اور چیز نہیں ہوسکتی ہے۔ بی سی سی آئی نے آئی پی ایل کو ملتوی کرتے ہوئے صحیح فیصلہ لیا ہے۔ "
چنئی سپر کنگز ٹیم کے چیف ایگزیکٹو آفیسر (سی ای او) کاشی وشوناتھن ، بولنگ کوچ لکشمیپتی بالاجی ، بیٹنگ کوچ مائیک ہسی کے علاوہ ٹیم بس کلینر کی بھی کورونا رپورٹ مثبت آئی ہے۔
ان کے علاوہ منگل کے روز سن رائزرس حیدرآباد کے وکٹ کیپر بلے باز ریدھیمان ساہا اور دہلی کیپیٹلز کے لیگ اسپنر امیت مشرا اور کولکتہ نائٹ رائڈرز کے ورون چکرورتی اور فاسٹ بولر سندیپ واریر کورونا مثبت پائے گئے۔
