سن رائزرس حیدر آباد کے کپتان ڈیوڈ وارنر نے ٹاس جیت کر کولکاتا نائٹ رائیڈرز کو بلے بازی کی دعوت دی تھی جس کے بعد نتیش رانا کے 80 رنز اور راہل تریپاٹھی کے 53 رنز کی بدولت کے کے آر نے 188 رنز کا ہدف دیا۔
کولکاتا کی جانب سے شبھمن گل اور نتیش رانا نے اننگ کی شروعات کی اور پہلے وکٹ کے لیے 53 رنوں کی پارٹنر شپ کی۔ حالانکہ شبھمن گل 15 رن ہی بنا سکے اور راشد خان کی گیند پر بولڈ آؤٹ ہوگئے۔ اس کے بعد راہل تریپاٹھی اور نتیش رانا نے تیز رفتاری سے رنز بنائے۔
رانا اور تریپاٹھی نے دوسرے وکٹ کے لیے 8.2 اوورز میں 93 رنز کی طوفانی پارٹنرشپ کی۔ اس دوران ان دونوں بلے بازوں نے نصف سنچری مکمل کی۔ خطرناک ہوتی جارہی اس جوڑی کو ٹی نٹراجن نے راہل تریپاٹھی کو آؤٹ کر کے توڑا۔
راہل تریپاٹھی نے 29 گیندوں میں 5 چوکوں اور 2 چھکوں کی مدد سے 53 رنز بنائے جبکہ نتیش رانا نے 56 گیندوں میں 80 رنز بھی جارحانہ اننگ کھیلی، اس دوران انہوں نے 9 چوکے اور 4 چھکے لگائے۔
ان دونوں بلے بازوں کے آؤٹ ہونے کے بعد رنوں کی رفتار دھیمی ہوگئی۔ خطرناک بلے باز آندرے رسل اور کپتان ایون مورگن نے جلدی جلدی آؤٹ ہوگئے ان دونوں نے بالترتیب 5 رنز اور 2 رنز بنائے۔
آخری اوورز میں دنیش کارتک نے 9 گیندوں میں 2 چوکے اور ایک چھکے کی مدد سے 22 رنز بنا کر ٹیم کو باعزت اسکور تک پہنچایا۔
سن رائزرس حیدرآباد کی جانب سے محمد نبی اور راشد خان نے دو دو وکٹیں حاصل کیں جبکہ بھونیشور کمار اور ٹی نٹراجن نے ایک ایک بلے باز کو پویلین کی راہ دکھائی۔
