ادے پور: ہندوستان کی ٹاپ شٹلر پی وی سندھو نے اتوار کو اپنے منگیتر وینکٹ دتہ سائی کے ساتھ جھیلوں کے شہر ادے پور کے پرتعیش ریسارٹ رافیلس میں شادی کی۔ نئے شادی شدہ جوڑے کی جانب سے 24 دسمبر کو سندھو کے آبائی شہر حیدرآباد میں ایک شاندار استقبالیہ پارٹی کا اہتمام کیا جائے گا۔ سنگیت 20 دسمبر کو ہوا اور اگلے دن ہلدی اور مہندی لگائی گئی۔
اس رائل ویڈنگ میں سیاست اور کھیل سے جڑی بڑی شخصیات اور ساؤتھ کی مشہور شخصیات کی شرکت کا امکان تھا، پی وی سندھو کے آبائی شہر حیدرآباد میں منگل 24 دسمبر کو ہونے والے عظیم الشان استقبالیہ میں زیادہ تر بڑی شخصیات شرکت کریں گی۔
Pleased to have attended the wedding ceremony of our Badminton Champion Olympian PV Sindhu with Venkatta Datta Sai in Udaipur last evening and conveyed my wishes & blessings to the couple for their new life ahead.@Pvsindhu1 pic.twitter.com/hjMwr5m76y
— Gajendra Singh Shekhawat (@gssjodhpur) December 23, 2024
پی وی سندھو نے وزیر اعظم نریندر مودی، سچن ٹنڈولکر، مرکزی وزیر داخلہ امیت شاہ، شیوراج سنگھ چوہان، وزیر خارجہ ایس جے شنکر، وزیر خزانہ نرملا سیتارامن، کرن رجیجو، تلنگانہ کے سی ایم ریونت ریڈی اور کئی فلمی ستاروں سمیت کئی بڑی شخصیات کو مدعو کیا ہے۔
پی وی سندھو کے شوہر وینکٹ دتہ سائی کون ہیں؟
پی وی سندھو کے شوہر وینکٹ دتہ سائی پوسیڈیکس ٹیکنالوجیز کے ایگزیکٹو ڈائریکٹر ہیں، جو حیدرآباد میں مقیم ایک تاجر ہیں۔ ان کو کھیلوں میں بہت دلچسپی ہے۔ اکثر ڈرٹ بائیکنگ اور موٹر ٹریکنگ میں حصہ لیتے ہیں۔ ان کے پاس ایک درجن سپر بائک اور کچھ اسپورٹس کاریں ہیں۔
