راجستھان رائلز کے کپتان سنجو سیمسن نے ٹاس جیت کر پنجاب کنگز کو بلے بازی کی دعوت دی تھی لیکن ان کا یہ فیصلہ غلط ثابت ہوا اور پنجاب کنگز نے کے ایل راہل اور دیپک ہُڈا کی طوفانی اننگ کی بدولت 221 رنز بنائے۔
پہلے بازی کرنے اتری پنجاب کی شروعات اچھی نہیں رہے اور سلامی بلے باز 22 رنز کے مجموعی اسکور پر پویلین لوٹ گئے۔ مینک نے اگروانے 9 گیندوں میں 14 رنز بنائے۔ انہیں چیتن سکاریا نے آؤٹ کیا۔
اس کے بعد یونیورسل باس کرس گیل میدان پر آئے اور تیزی سے رنز بنایا لیکن ریان پراگ کی گیند پر بڑا شاٹ کھیلنے کی کوشش میں وہ باؤنڈری پر بین اسٹوکس کو کیچ تھما بیٹھے۔ کرس گیل نے 28 گیندوں میں 4 چوکے اور 2 چھکوں کی مدد سے 40 رنز کی اننگ کھیلی۔
گیل کے آؤٹ ہونے کے بعد دیپک ہُڈا کریز پر آئے اور کپتان کے ایل راہل کے ساتھ مل کر محض 46 گیندوں میں 105 رنز کی طوفانی پارٹنرشپ نبھائی۔
اس دوران ان دونوں بلے بازوں نے میدان کے چاروں جانب شاٹس لگائے اور اپنی نصف سنچری مکمل کی۔ دیپک ہُڈا نے محض 28 گیندوں میں 4 چوکوں اور 6 چھکوں کی مدد سے 64 رنوں کی جارحانہ بلے بازی کی جبکہ کے ایل راہل سنچری بنانے سے محروم رہ گئے اور 50 گیندوں میں 7 چوکوں اور 5 چھکوں کی مدد سے 91 رنز بنائے۔
راجستھان رائلز کی جانب سے چیتن سکاریا نے تین، کرس مورس نے دو بلے بازوں کو آؤٹ کیا جبکہ ریان پراگ نے ایک بلے باز کو پویلین کی راہ دکھائی۔
