کولکاتا نائٹ رائیڈر نے ٹاس جیت گیند بازی کا فیصلہ کیا تھا اس کے بعد گیند بازوں نے کپتان کے فیصلے کو درست ثابت کرتے ہوئے پنجاب کنگز کو 123 رنز پر ہی روک دیا۔
پنجاب کنگز کی جانب سے کپتان کے ایل راہل اور مینک اگروال نے اننگ کی شروعات کی اور پہلے وکٹ کے لیے 36 رنز کی پارٹنرشپ کی لیکن اس جوڑی کے ٹوٹنے کے بعد ہی ٹیم تاش کے پتوں کی طرح بکھر گئی اور یکے بعد دیگرے بلے باز آؤٹ ہوتے چلے گئے۔
کے ایل راہل نے 20 گیندوں میں 19 رنز اور مینک اگروال نے 34 گیندوں میں 31 رنوں کی اننگ کھیلی جبکہ جارحانہ بلے باز کرس گی اس میچ میں بھی ناکام ثابت ہوئے اور کھاتہ کھولے بغیر ہی آؤٹ ہوگئے۔
اس کے علاوہ دیپک ہُڈا ایک رن، نکولس پورن 19 رنز اور شاہ رخ خان نے 13 رنز بنائے جبکہ آخری اووزر میں کرس جارڈن نے تیز بلے بازی کرتے ہوئے ٹیم کو باعزت اسکور تک پہنچایا۔ جارڈن نے 18 گیندوں میں ایک چوکا اور 3 چھکوں کی مدد 30 رنز بنائے۔
کولکاتا نائٹ رائیڈرس کی جانب سے پرسدھ کرشنا سب سے کامیاب گیند باز رہے اور 3 وکٹیں حاصل کیں اس کے علاوہ پیٹ کمنز اور سنیل نرائن نے دو دو جبکہ شیوم ماوی اور ورون چکرورتی نے ایک ایک وکٹ حاصل کی۔
