آئی پی ایل نیلامی IPL Mega Auction میں سری لنکا کے آل راؤنڈر وانندو ہسارنگا کے نام پر بولی لگائی جا رہی تھی کہ نیلامی کی کارروائی سنبھالنے والے ہیوج ایڈمیڈیز بے ہوش ہو کر اسٹیج سے نیچے گر گئے جس کے سبب نیلامی درمیان میں ہی روکنی پڑی۔
فی الحال ہیوج ایڈمیڈیز کی طبیعت ٹھیک بتائی جا رہی ہے۔
ان نیلامی کی باقی کارروائی چارو شرما Charu Sharma سنبھالیں گے۔ وہ ایک بھارتی مبصر اور کوئز ماسٹر ہیں نیز پرو کبڈی لیگ Pro Kabaddi League کے ڈائریکٹر بھی ہیں۔
چارو شرما 2008 میں انڈین پریمیئر لیگ کے لیے رائل چیلنجرز بنگلور ٹیم کے سی ای او تھے لیکن ٹیم کی خراب کارکردگی کی وجہ سے انہیں عہدہ چھوڑنا پڑا تھا۔
چارو شرما، بالی وڈ اداکارہ مندرا بیدی کے ساتھ ٹیلی ویژن پریزنٹیشنز (خاص طور پر کرکٹ پر) کے لیے مشہور ہیں۔ وہ ٹیلی ویژن پروگرامز اور دیگر پروگرامز میں کوئز ماسٹر کے طور پر بھی جانے جاتے ہیں۔
چارو شرما باقاعدگی سے ایوارڈ شوز، کارپوریٹ ایونٹس کی میزبانی بھی کرتے ہیں اور ٹیم ورک اور لیڈر شپ سیمینار میں اپنی بہتر شراکت پیش کرتے ہیں۔ ان کے والد مشہور ماہر تعلیم این سی شرما تھے، جو مایو کالج، اجمیر کے سابق نائب پرنسپل تھے۔
جب اکنامک ٹائمز نے ان سے آئی پی ایل تنازع کے بارے میں بات کی تھی تو انہوں نے کہا تھا کہ 'مجھے لگتا ہے کہ میں نے اس کے لیے بہت محنت کی، شاید اب تک کا سب سے مشکل کام۔
