ہدف کے تعاقب کے لیے راجستھان رائلز کی جانب سے جوز بٹلر اور بین اسٹوکس نے اننگ کی شروعات کی۔ رواں سیزن مین اپنا پہلا میچ کھیل رہے بین اسٹوکس کا آغاز خراب رہا اور وہ 7 رنز کے مجموعی اسکور پر آؤٹ ہوگئے، انہیں محمد خلیل نے بولڈ آؤٹ کیا۔
اس کے بعد جوز بٹلر(16 رنز)، اسٹیو اسمتھ(5 رنز)، سنجو سیمسن(26 رنز) اور رابن اتھپا 18 رنز بنا کر آؤٹ ہوگئے۔
یکے بعد دیگرے بلے باز آؤٹ ہونے سے ٹیم بحران میں پھنس گئی اور جیت مشکل نظر آنے لگی اور ٹیم کی نظریں راہل تیواتیا پر مرکوز تھیں اور تیواتیا نے ٹیم کو مایوس نہیں کیا جبکہ ریان پراگ نے بھی راہل کا بخوبی ساتھ دیا۔
راہل تیواتیا اور ریان پراگ نے چھٹے وکٹ کے لیے 47 گیندوں میں 85 رنز کی فاتحانہ پارٹنرشپ کی۔ راہل تیواتیا نے 28 گیندوں میں 4 چوکے اور 2 چھکوں کی مدد سے 45 رنز بنائے جبکہ ریان پراگ نے 26 گیندوں میں 42 رنز کی اننگ کھیلی، اس دوران ریان نے 2 چوکے اور 2 چھکے لگائے۔
حیدرآباد کی جانب سے خلیل احمد اور راشد خان نے دو دو وکٹیں حاصل کیں۔
