انڈین پریمیئر لیگ کے چھٹے میچ میں رائل چیلینجرز بنگلور نے ٹاس جیت کر پنجاب کو بلے بازی کی دعوت دی تھی جس کے ایل راہل نے غلط ٹھہراتے ہوئے 69 گیندوں میں 14 چوکے اور 7 چھکوں کی مدد سے 132 رنز بنا کر ٹیم کا اسکور 206 رنز تک پہنچایا۔
پنجاب کی جانب سے راہ اور مینک اگروال نے اننگ کی شروعات کی۔ گزشتہ میچ میں شاندار بلے بازی کرنے والے مینک اگروال اس میچ میں محض 26 رنز ہی بنا سکے اور یزویندر چہل کی گیند پر آؤٹ ہوگئے۔
اس کے نکولس پورن اور گلین میکسویل بھی جلدی جلدی پویلین لوٹ گئے لیکن راہل نے دوسرے کنارے سے محاذ سنبھالے رکھا اور آخری اوورز میں طوفانی بلے بازی کر کے نہ صرف ٹیم کا اسکور 200 رنز کے پار پہنچایا بلکہ اپنی سنچری بھی مکمل کی۔
رائل چیلینجرز بنگلور کی جانب سے شیوم دوبے 2 وکٹ حاصل کر کے کامیاب گیند باز رہے جبکہ چہل نے ایک وکٹ حاصل کیا۔
