یونیورس باس کے نام سے مشہور کرس گیل نے آٹھ چھکوں سے 99 رن کی اننگز کے دوران ٹی 20 میں 1000 چھکے مکمل کرنے کا حیرت انگیز کارنامہ انجام دیا ہے اور ان کی اس اننگز سے کنگز الیون پنجاب نے راجستھان رائلز کے خلاف آئی پی ایل میچ میں 20 اوور میں چار وکٹوں پر 185 رنز کا مضبوط اسکور بنا لیا ۔
41 سالہ گیل نے عمدہ بلے بازی کی اور 63 گیندوں پر 63 رنزکی اننگز میں چھ چوکے اور آٹھ چھکے لگائے۔ گیل نے ان آٹھ چھکوں کی مدد سے ٹی 20 کرکٹ میں 1000 چھکے مکمل کرنے والا پہلا کھلاڑی بننے کا شرف حاصل کیا ۔ گیل کے پاس اب کل 1001 چھکے ہو گئے ہیں ۔ ویسٹ انڈیز کے گیل کے بعد ٹی ٹوئنٹی میں سب سے زائد چھکے لگانے کے معاملے میں دوسرے نمبر ویسٹ انڈیز کے ہی کییرن پولارڈ ہیں ، جن کے نام 690 چھکے ہیں۔
گیل آخری اوور کی چوتھی بال پر بولڈ ہوئے اور سنچری سے چوک گئے ۔ جوفرا آرچر نے جیسے ہی گیل کو بولڈ کیا تو گیل نے مایوسی ہوکراپنا بلا میدان میں پھینک دیا ۔ وہ سنچری مکمل کرنے کا حقدار تھے ۔ گیل نے آرچر کی تیسری گیند پر چھکا ماراتھا، لیکن اگلی ہی گیند پر آرچر نے گیل کو آؤٹ کر دیا ۔ پویلین کی طرف لوٹ رہے گیل کے ساتھ آرچر نے ہاتھ ملایا ۔
گیل نے پنجاب کے کپتان لوکیش راہل کے ساتھ دوسری وکٹ کے لئے 120 رن کی شاندارساجھداری کی۔ راہل نے 41 گیندوں پر 46 رن میں تین چوکے اور دو چھکے لگائے۔ اس کے بعد گیل نے نیکولس پورن کے ساتھ تیسری وکٹ کے لئے 41 رن جوڑے۔ پورن نے 10 گیندوں پر 22 رنز میں تین چھکے لگائے۔
گلین میکسویل چھ اور دیپک ہڈا ایک رن بنا کر ناٹ آؤٹ رہے۔ اوپنر مندیپ سنگھ بغیر کھاتہ کھولے آؤٹ ہوئے۔ راجستھان کی طرف سے آرچر نے 26 رنز پر دو اور بین اسٹوکس نے 32 رن پر دو وکٹیں حاصل کیں۔
