کنگز الیون پنجاب نے ٹاس جیت کر کولکاتا نائٹ رائیڈرز کو بلے بازی کی دعوت دی تھی۔ کولکاتا کی شروعات اچھی نہیں رہی اور اس نے 10 رنز پر ہی 3 وکٹیں گنوادی تھی۔
گزشتہ میچ میں شاندار 81 رنز بنانے والے نتیش ران اس میچ میں ناکام رہے اور صفر رن پر میچ کی دوسری ہی گیند پر پویلین لوٹ گئے، انہیں گلین میکسویل نے آؤٹ کیا۔ جبکہ راہل تریپاٹھی نے 7 رنز اور دنیش کارتک صفر رنز پر پویلین لوٹ گئے۔
اس کے بعد کپتان ایون مورگن کریز پر آئے اور شبھمان گِل کے ساتھ مل کر ٹیم کو ابتدائی بحران سے نکالتے ہوئے چوتھے وکٹ کے لیے 81 رنز کی جارحانہ پارٹنرشپ کی، مورگن تیزی سے رن بنانے کے چکر میں روی بشنوئی کی گیند پر مروگن اشون کو کیچ تھما بیٹھے، انہوں نے 25 گیندوں میں 40 رنز کی اننگ کھیلی۔
مورگن کے آؤٹ ہونے کے بعد سنیل نارائن(6 رنز)، کملیش نگر کوٹی(6 رنز) اور پیٹ کمنز (ایک رن) بنا کر جلدی جلدی پویلین لوٹ گئے لیکن دوسری جانب سے شبھمان گِل نے اکیلے مزاحمت جاری رکھی اور اپنی نصف سنچری مکمل کی۔
پنجاب کو مہنگے پڑے میکسویل، 10 لاکھ روپے میں بنایا ایک رنز
نچلی صف میں لوکی فرگیوسن نے 13 گیندوں میں 3 چوکوں اور ایک چھکے کی مدد سے 24 رنز بنائے۔
پنجاب کی جانب سے محمد سمیع سب سے کامیاب رہے اور تین بلے بازوں کو پویلین کی راہ دکھائی جبکہ کرس جارڈن اور روی بشنوئی نے دو دو وکٹیں حاصل کیں اور گلین میکسویل اور مروگن اشون کے حصے میں ایک ایک وکٹ آئی۔
