ٹاس جیت کر پہلے بلے بازی کرنے اتری رائل چیلینجرز بنگلور کی شروعات اچھی رہی اور سلامی بلے بازوں نے پہلے وکٹ کے لیے 38 رنز کی پارٹنرشپ کی۔ 38 رنز کے مجموعی اسکور پر دیودوت پیڈیکل 18 رنز بنا کر آؤٹ ہوئے۔
اس کے بعد وراٹ کوہلی کریز پر آئے اور محتاط انداز مٰن کھیلتے ہوئے 39 گیندوں میں 48 رنز کی اننگ کھیلی جبکہ آرون فنچ نے 20، واشنگٹن نے 13 رنزاور شیوم دوبے نے 13 رنز بنائے۔
اس کے علاوہ کرس مورس نے آخری اوورز میں 8 گیندوں میں ایک چوکا اور 3 چھکوں کی مدد سے 25 رنز کی جارحانہ اننگ کھیلی۔
کنگز الیون پنجاب کی جانب سے محمد سمیع اور مروگن اشون نے دو دو بلے بازوں کو پویلین کیراہ دکھائی جبکہ کرس جارڈن اور ارشدیپ سنگھ نے ایک ایک وکٹ حاصل کئے۔
