جمعرات کو دبئی انٹرنیشنل اسٹیڈیم میں کھیلے گئے میچ میں سن رائزرس حیدرآباد نے کنگز الیون پنجاب کو 69 رنز سے شکست دی۔
پہلے بیٹنگ کرتے ہوئے حیدرآباد نے 20 اوورز میں چھ وکٹیں گنوا کر 201 رنز بنائے۔ پنجاب 16.5 اوورز میں 132 رنز ہی بنا سکی۔
حیدرآباد کی طرف سے جانی بیئرسٹو نے شاندار بلے بازی کرتے ہوئے صرف 55 گیندوں میں 97 رنز بنائے۔ انہوں نے اپنی اننگز میں سات چوکے اور چھ چھکے لگائے۔
کپتان ڈیوڈ وارنر نے 40 گیندوں پر 52 رنز بنائے۔ انہوں نے پانچ چوکے اور ایک چھکے لگائے۔
وہیں پنجاب کی طرف سے روی بشنوئی نے تین وکٹیں حاصل کیں۔
یہ بھی پڑھیں: آسٹریلیا کی کپتان لیننگ آئی سی سی رینکنگ میں سرفہرست
وہیں 202 رنز کے ہدف کا پیچھا کرتے ہوئے پنجاب کے نکولس پورن کے علاوہ کوئی بھی کھلاڑی بڑی اننگز نہیں کھیل سکا۔ پورن نے 37 گیندوں پر 77 رنز بنائے اور پانچ چوکوں کے علاوہ سات چھکے لگائے۔
