پاکستان ٹیم کے کپتان بابر اعظم اور اوپنر امام الحق کو نیوزی لینڈ کے خلاف 26 دسمبر سے ماؤنٹ مانگ نوئی میں شروع ہونے والے پہلے ٹیسٹ سے باہر کردیا گیا ہے، جبکہ ٹور سلیکشن کمیٹی نے 17 پلیئنگ اسکواڈ میں بہترین کھیل پیش کرکے رنز بنانے والے عمران بٹ کو نامزد کیا ہے۔
پاکستان کرکٹ بورڈ (پی سی بی) نے پیر کے روز ایک بیان میں کہا ہے کہ گذشتہ ہفتے کوئینس ٹاؤن میں پریکٹس میچ کے دوران امام کے بائیں انگوٹھے میں فریکچر آجانے کے ایک دن بعد بابر بھی اپنے دائیں انگوٹھے کو زخمی کر بیٹھے تھے۔ پی سی بی نے کہا کہ دونوں ابھی تک ٹیم کے طبی عملے کے ساتھ علاج میں مصروف ہیں اور اپنی پیشرفت کے سلسلہ میں کڑی نگرانی کے ساتھ نیٹ میں واپس نہیں آئے ہیں۔
بیان میں کہا گیا ہے ، "کرائسٹ چرچ میں 3 جنوری سے شروع ہونے والے دوسرے ٹیسٹ میں ان کی شرکت کے بارے میں فیصلہ وقت آنے پر کیا جائے گا۔
بابر کی عدم موجودگی میں، محمد رضوان پہلے ٹیسٹ میں پاکستان کی طرف سے کپتانی کریں گے۔ جب وہ ہفتے کے روز ٹاس کے لئے نکلیں گے تو وہ روایتی کھیل میں ٹیم کی قیادت کرنے والے پاکستان کے 33 ویں کپتان بن جائیں گے۔
24 سالہ عمران بٹ نے نیوزی لینڈ جانے والی ٹور پارٹی میں شمولیت سے قبل قائداعظم ٹرافی کے تین اور چار روزہ فرسٹ کلاس تین میچوں میں 191 رنز بنائے۔ ساتھ ہی وہ 2019-20 قائداعظم ٹرافی میں بیٹنگ چارٹس میں 62 سے زائد کی اوسط سے چار سنچریوں اور تین نصف سنچریوں کی مدد سے 934 رنز بناتے ہوئے سرفہرست رہے۔
پاکستان ٹیسٹ ٹیم میں واپسی کرنے والوں میں عابد علی، اظہر علی، فواد عالم، حارث سہیل، محمد عباس، نسیم شاہ، شان مسعود، سہیل خان اور یاسر شاہ شامل ہیں۔ یہ تمام کھلاڑی عبداللہ شفیق، حیدر علی، حارث رؤف، حسین طلعت، افتخار احمد، خوشدل شاہ، محمد حسنین، موسیٰ خان، عثمان قادر اور وہاب ریاض کی جگہ لیں گے جُو ، اب مقامی ٹیم اور نیوزی لینڈ الیون کے خلاف پانچ ٹی۔20 میچوں کے لئے پاکستان شاہینوں میں شامل ہوں گے۔
پی سی بی نے یہ بھی کہا کہ عماد وسیم اور محمد حفیظ نیپئر ٹی۔20کے بعد نیوزی لینڈ کے دورے پر ایکشن میں نہیں ہوں گے۔ عماد بگ باش لیگ میں میلبورن رینیگیڈس میں شامل ہونے کے لئے آسٹریلیا کا سفر کریں گے، جبکہ محمد حفیظ واپس پاکستان آئیں گے۔
واضح رہے کہ میزبان نیوزی لینڈ نے پاکستان کے خلاف تین میچوں کی ٹی۔20 سیریز پر پہلے ہی مہر ثبت کردی ہے، جب کہ تیسرا کھیل منگل کو کھیلا جانا ہے۔
پاکستان کے ہیڈ کوچ مصباح الحق نے ایک بیان میں کہا ہے کہ: "نیوزی لینڈ کی جانب سے ٹیم کے خلاف ٹی۔20 سیریز ہارنا مایوس کن ہے، ہمیں اپنی ٹیم میں مہارت کو بہتر بنانے اور بہتری لانے کی ضرورت ہے۔ "
ٹیسٹ کے لئے پاکستان ٹیم: محمد رضوان (پہلے ٹیسٹ کے لئے کپتان)، عابد علی، اظہر علی، فہیم اشرف، فواد عالم، حارث سہیل، عمران بٹ، محمد عباس، نسیم شاہ، سرفراز احمد، شاداب خان، شاہین آفریدی، شان مسعود، سہیل خان اور یاسر شاہ۔ (جب کہ بابر اعظم اور امام الحق زخمی ہونے کے سبب پہلے ٹیسٹ کے لئے دستیاب نہیں ہیں۔)
