ممبئی:آج یہاں آسٹریلیا نے ٹاس جیت کر پہلے بلے بازی کا فیصلہ کیا۔ پہلے بیٹنگ کرنے آئی آسٹریلیا کی شروعات خراب رہی اور پہلے اوور کی چھٹی گیند پر اس کی اوپننگ بلے باز فیبی لیچ فیلڈ صفر پر رن آؤٹ ہو کر پویلین لوٹ گئی۔
اس کے بعد بیٹنگ کے لیے آنے والی ایلیس پیری اگلے ہی اوور میں چار رن بنا کر وستراکر کا پہلا شکار بنیں۔ بیتھ مونی نے ٹالیا میک گرا کے ساتھ اننگز کو سنبھالا۔ 22 ویں اوور میں رانا نے میک گرا کو 50 رن پر راجیشوری کے ہاتھوں کیچ آؤٹ کروا کر اس شراکت کو توڑا۔ اس کے بعد 29ویں اوور میں وستراکر نے بیتھ مونی کو 40 کے اسکور پر رانا کے ہاتھوں کیچ آؤٹ کرا دیا۔
46ویں اوور میں کپتان الیسا ہیلی 38 رن بنا کر دیپتی کے ہاتھوں بولڈ ہو گئیں۔ اینابیل سدرلینڈ نے 16، ایشلے گارڈنر نے 11، جیس جانسن نے 19، الانا کنگ نے پانچ، لارین چیٹل نے چھ رن بنائے۔ کم گارتھ 28 رنز بنا کر ناٹ آؤٹ رہے۔
یہ بھی پڑھیں:ورلڈ کپ 2023 کا فائنل ہارنا ہندوستانی کرکٹ ٹیم کے لیے مایوس کن لمحہ
آسٹریلیا کی پوری ٹیم پہلی اننگز میں 77.4 اووروں میں 219 رن پر آل آؤٹ ہوگئی۔ہندستان کی جانب سے پوجا وستراکر نے چار وکٹیں حاصل کیں۔ اسنیہ رانا نے تین بلے بازوں کو آؤٹ کیا۔ دیپتی شرما نے دو وکٹیں حاصل کیں۔
یو این آئی
