نئی دہلی: بھارت اور آسٹریلیا کے درمیان کھیلے جا رہے 4 میچوں کی ٹیسٹ سیریز کے پہلے میچ میں بھارت نے اپنی گرفت مضبوط کر لی ہے۔ میچ کے پہلے دن آسٹریلیا کو 177 رنز پر ڈھیر کرنے کے بعد دوسرے دن کا کھیل ختم ہونے تک بھارت نے 7 وکٹوں پر 321 رنز بنا لیے ہیں۔ دوسرے دن کے کھیل میں کپتان روہت شرما نے سنچری اسکور کی، جب کہ رویندر جڈیجہ اور اکشر پٹیل نے نصف سنچریاں اسکور کیں۔ دن کا کھیل ختم ہونے پر بھارت کو 144 رنز کی برتری حاصل ہے۔ جڈیجہ 66 جبکہ اکشر 52 رنز بنا کر کھیل رہے ہیں۔
بھارت نے ناگپور ٹیسٹ میچ کے پہلے دن آسٹریلوی ٹیم کو 177 رنز پر ڈھیر کردیا۔ پچ پر جہاں آسٹریلوی بلے باز رنز کے لیے جد جہد کرتے ہوئے نظر آئے وہیں بھارتی ٹیم کے کپتان روہت شرما نے شاندار بلے بازی کا مظاہرہ کیا۔ روہت اور کے ایل راہل کی اوپننگ جوڑی نے پہلی وکٹ کے لیے 76 رنز کی شراکت داری کی۔ ٹیم انڈیا کے لیے دوسرا دن بہت اہم ہونے والا ہے۔ بھارت کو دوسرے دن کے آغاز میں احتیاط سے کھیلنا ہوگا۔ ٹیم انڈیا کو بڑی برتری کی تلاش ہوگی۔ دوسری اننگز میں اس پچ پر بیٹنگ آسان نہیں ہوگی۔
پہلے دن کا کھیل ختم ہونے تک بھارت نے اپنی پہلی اننگز میں 1 وکٹ کے نقصان پر 76 رنز بنا لیے تھے۔ ٹیم انڈیا کے کپتان روہت شرما 56 رنز بنانے کے بعد ناٹ آؤٹ لوٹے، جب کہ نائٹ واچ مین آر اشون کھاتہ کھولے بغیر ہی ناٹ آؤٹ لوٹ گئے۔ ٹیم انڈیا نے پہلے دن صرف کے ایل راہل کا وکٹ گنوایا۔ راہل 71 گیندوں میں 20 رنز بنانے کے بعد آؤٹ ہوئے۔ انہیں ڈیبیو کرنے والے آف اسپنر ٹوڈ مرفی نے گیند پر بولڈ کیا۔
پہلے ٹیسٹ میچ میں کل 3 کھلاڑیوں نے ڈیبیو کیا ہے۔ بھارت کے لیے سوریہ کمار یادو اور وکٹ کیپر کے ایس بھرت پہلی بار ٹیسٹ میچ کھیل رہے ہیں، جب کہ آسٹریلیا نے 22 سالہ آف اسپنر ٹوڈ مرفی کو ڈیبیو کا موقع دیا۔ یہ دیکھنا دلچسپ ہوگا کہ محدود اوورز کی کرکٹ میں بہترین بلے باز سوریا ٹیسٹ میں کیسی کارکردگی دکھاتے ہیں۔
مزید پڑھیں:
